ಟು ಬ್ರದರ್ಸ್ ಸಾಮಿಲ್​​ಗೆ ಬೆಂಕಿ: 25 ಲಕ್ಷಕ್ಕೂ ಅಧಿಕ ಮೌಲ್ಯದ ವಸ್ತುಗಳು ಭಸ್ಮ

ವಿದ್ಯುತ್​ ಶಾರ್ಟ್ ಸರ್ಕೂಟ್ ನಿಂದ ಸಾಮಿಲ್​​​ಗೆ ಬೆಂಕಿ ಬಿದ್ದು 25 ಲಕ್ಷಕ್ಕೂ ಅಧಿಕ ಮೌಲ್ಯದ ವಸ್ತುಗಳು ಸುಟ್ಟು‌ ಭಸ್ಮವಾದ ಘಟನೆ ಜಿಲ್ಲೆಯ‌ ಗೌರಿಬಿದನೂರು ನಗರದ ಹೊರವಲಯದ ಕಲ್ಲಂತರಾಯಗುಟ್ಟೆ ಬಳಿ ‌ನಡೆದಿದೆ. ನಗರದ ಹೊರವಲಯದ ಕಲ್ಲಂತರಾಯನ ಗುಟ್ಟೆ ಬಳಿ ಇರುವ ಟು ಬ್ರದರ್ಸ್ ಸಾಮಿಲ್​​ಗೆ(ವುಡ್ ವರ್ಕ್ಸ್) ಶಾರ್ಟ್​ ಸರ್ಕ್ಯೂಟ್​​​​ ನಿಂದ ಬೆಂಕಿ ಹೊತ್ತಿಕೊಂಡಿದ್ದು, ಸುಮಾರು ಅರ್ಧದಷ್ಟು ಸಾಮಿಲ್​ ಬೆಂಕಿಗೆ ಆಹುತಿಯಾಗಿದೆ ಎಂದು ತಿಳಿದು ಬಂದಿದೆ. ಸ್ಥಳಕ್ಕೆ ಅಗ್ನಿಶಾಮಕ ದಳ ಭೇಟಿ ನೀಡಿ ಸತತ ನಾಲ್ಕು ಗಂಟೆಗಳ ಕಾರ್ಯಾಚರಣೆ ಮಾಡಿ ಬೆಂಕಿಯನ್ನು ನಂದಿಸಿದೆ. ಸ್ಥಳಕ್ಕೆ ಸಿಪಿಐ ರವಿಕುಮಾರ್ ಹಾಗೂ ಪಿಎಸ್ಐ ಅವಿನಾಶ್ ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.