ಮನೆ ಮಗನಂತಿದ್ದ 'ಟೈಸನ್​' ಮರೆಯಾದ: ದಂಪತಿಯಿಂದ ಪ್ರೀತಿಯ ಶ್ವಾನದ ತಿಥಿ ಕಾರ್ಯ

ಹಾವೇರಿ: ಸಾವನ್ನಪ್ಪಿದ ಮನುಷ್ಯರ ತಿಥಿ ಮಾಡುವುದನ್ನ ನಾವೆಲ್ಲರೂ ನೋಡಿದ್ದೇವೆ. ಆದರೆ ಜಿಲ್ಲೆಯ ಸವಣೂರಿನ ಮನೆಯೊಂದರಲ್ಲಿ ನಾಯಿಯ ತಿಥಿ ಮಾಡುವ ಮೂಲಕ ದಂಪತಿ ಪ್ರಾಣಿ ಪ್ರೇಮ ಮೆರೆದಿದ್ದಾರೆ. ಮಕ್ಕಳಿಲ್ಲದ ಪ್ರಶಾಂತ ಮತ್ತು ಪಾರ್ವತಿ ದಂಪತಿ ಶ್ವಾನ 'ಟೈಸನ್​' ಅನ್ನು ಮನೆ ಮಗನಂತೆ ಸಾಕಿದ್ದು, ಅನಾರೋಗ್ಯದಿಂದ ಕೊನೆಯುಸಿರೆಳೆದಿದೆ. ಇದಕ್ಕೆ ಶಾಸ್ತ್ರೋಕ್ತವಾಗಿ ತಿಥಿ ಕಾರ್ಯ ನೆರವೇರಿಸಲಾಗಿದೆ.