ಕೊರೊನಾ ವೈರಸ್ ಜಾಗೃತಿ ಕುರಿತು ಹಾಡು ಬರೆದ ವಡಗೇರ ಗ್ರಾಮದ ಯುವ ಕಲಾವಿದ

ಎಲ್ಲೆಡೆ ಕೊರೊನಾ ವೈರಸ್ ಭೀತಿ ಬಗ್ಗೆ ಚರ್ಚೆ ಆಗುತ್ತಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಟಿಕ್-ಟಾಕ್ ಸೇರಿದಂತೆ, ಎಚ್ಚರಿಕೆ ವಹಿಸುವಂತಹ ವಿಡಿಯೋಗಳು ಹರಿದು ಬಿಡುತ್ತಿರುವುದು ಸಾಮಾನ್ಯವಾಗಿದೆ. ಸದ್ಯ ಕೊರೊನಾ ವೈರಸ್ ಜಾಗೃತಿ ಮೂಡಿಸಲು ಆಡಿಯೋವೊಂದನ್ನು ಬಿಡುಗಡೆ ಮಾಡಲಾಗಿದೆ. ಇಲಕಲ್ಲ ತಾಲೂಕಿನ ವಡಗೇರ ಗ್ರಾಮದ ಯುವ ಕಲಾವಿದ ಶ್ರೀಕಾಂತ ಗೌಡರ ಎಂಬುವರು ಕೊರೊನಾ ವೈರಸ್ ಮೇಲೆ ಸಾಹಿತ್ಯ ರಚನೆ ಮಾಡಿದ್ದು, ಬೆಂಗಳೂರಿನ ಎಚ್.ಕೆ. ಸ್ವಾಮಿ ಸಂಗೀತ ಮತ್ತು ಧ್ವನಿ ನೀಡಿದ್ದಾರೆ. ಅಜಯ್ ವಾರಿಯರ್ ಗಾಯಕರಾಗಿ ತಮ್ಮ ಕಂಚಿನ ಕಂಠದಲ್ಲಿ ಹಾಡಿ ಗಮನ ಸೆಳೆದಿದ್ದಾರೆ. ಅಭಿಮನ್ಯು ಚಲನಚಿತ್ರದ ಕೇಳೆ ಕೇಳೆ ಭಾರತ ಮಾತೆ ಹಾಡಿನ ಶೈಲಿಯಲ್ಲಿ ಕೊರೊನಾ ವೈರಸ್ ಭೀತಿಯಿಂದ ಉಂಟಾಗುವ ಸಮಸ್ಯೆ ಬಗ್ಗೆ ಹಾಗೂ ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ.