ಕೊರೊನಾ ಭೀತಿ: ಕಲಬುರಗಿಯಲ್ಲಿ ರೈಲುಗಳ ಓಡಾಟಕ್ಕೂ ಬ್ರೇಕ್
ಕಲಬುರಗಿ: ಕೊರೊನಾ ಭೀತಿ ಹಿನ್ನೆಲೆ ರೈಲು ಪ್ರಯಾಣಿಕರ ಸಂಖ್ಯೆ ಗಣನಿಯವಾಗಿ ಇಳಿಮುಖವಾಗಿದೆ. ಈ ಮುಂಚೆ ನಗರದ ರೈಲ್ವೆ ನಿಲ್ದಾಣದಿಂದ ನಿತ್ಯ 20 ಸಾವಿರ ಪ್ರಯಾಣಿಕರು ಪ್ರಯಾಣ ಬೆಳೆಸುತ್ತಿದ್ದರು. ಆದ್ರೆ, ಕೊರೊನಾ ಭೀತಿ ನಂತರ ಪ್ರಯಾಣಿಕರ ಸಂಖ್ಯೆ 10 ಸಾವಿರಕ್ಕೆ ಇಳಿಕೆಯಾಗಿದೆ. ಅಲ್ಲದೆ ಕೆಲ ರೈಲುಗಳ ಓಡಾಟಕ್ಕೂ ಬ್ರೇಕ್ ಹಾಕಲಾಗಿದೆ. ಕಲಬುರಗಿ- ಹೈದರಾಬಾದ್ ಇಂಟರ್ ಸಿಟಿ, ರಾಯಚೂರು- ವಿಜಯಪುರ ಪ್ಯಾಸೆಂಜರ್, ಸೋಲಾಪೂರ ಸಿಕಂದ್ರಾಬಾದ್ ರೈಲುಗಳನ್ನು ಮಾರ್ಚ್ 31 ರ ವರೆಗೆ ಓಡಿಸದಿರಲು ರೈಲ್ವೆ ಇಲಾಖೆ ನಿರ್ಧಾರ ಕೈಗೊಂಡಿದೆ.