ಕೊರೊನಾ ಕಂಟಕ: ಲೋಕ ಕಲ್ಯಾಣಕ್ಕಾಗಿ ಆಂಜನೇಯ ದೇವಸ್ಥಾನದಲ್ಲಿ ವಿಶೇಷ ಪೂಜೆ, ಪ್ರಾರ್ಥನೆ

ಹಾವೇರಿ: ಕೊರೊನಾ ವೈರಸ್​ನಿಂದಾಗಿ ಜನರಲ್ಲಿ ಆವರಿಸಿರುವ ಆತಂಕ ದೂರವಾಗಿ ಜನರಿಗೆ ನೆಮ್ಮದಿ ಸಿಗುವಂತೆ ಮಾಡಲು ನಗರದಲ್ಲಿರುವ ಆಂಜನೇಯ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಯಿತು. ನಗರದ ಉತ್ತರಾದಿ ಮಠದ ವಾಸುದೇವಾಚಾರ್ಯರ ನೇತೃತ್ವದಲ್ಲಿ ಶ್ಲೋಕ ಪಠಿಸಿದ ಭಕ್ತರು, ಆಂಜನೇಯ ದೇವರಿಗೆ ಪೂಜೆ ನೆರವೇರಿಸಿದರು. ಒಂದು ಗಂಟೆ ಕಾಲ ಶ್ಲೋಕ ಪಠಿಸಿ ಪಾರಾಯಣ ಮಾಡಿದ ಭಕ್ತರು, ಕೊರೊನಾ ಆತಂಕ ದೂರ ಮಾಡುವಂತೆ ಪ್ರಾರ್ಥಿಸಿದ್ರು. ಉತ್ತರಾದಿಮಠದ 20ಕ್ಕೂ ಅಧಿಕ ಜನ ಭಕ್ತರು ಸಾಮೂಹಿಕ ಶ್ಲೋಕ ಪಠಿಸಿ ಲೋಕ ಕಲ್ಯಾಣ ಮಾಡುವಂತೆ ದೇವರಲ್ಲಿ ಬೇಡಿಕೊಂಡರು.