ಕೋವಿಡ್ ಮುನ್ನೆಚ್ಚರಿಕೆಗೆ ನೀಡಿದ ಗ್ಲೌಸ್​ಗಳನ್ನ ಎಲ್ಲೆಂದರಲ್ಲಿ ಎಸೆದ ಮತದಾರರು

ಬೆಂಗಳೂರು: ಮತದಾನದ ವೇಳೆ ಕೋವಿಡ್ ಹರಡದಂತೆ ಮುನ್ನೆಚ್ಚರಿಕೆಗೆ ಕೊಟ್ಟ ಕೈ ಗ್ಲೌಸ್​ಗಳು ರಸ್ತೆಗಳಲ್ಲಿ ಈಗ ಚೆಲ್ಲಾಪಿಲ್ಲಿಯಾಗಿ ಬಿದ್ದಿವೆ. ಬಿಬಿಎಂಪಿಯೂ ಡಸ್ಟ್ ಬಿನ್ ವ್ಯವಸ್ಥೆ ಮಾಡದೆ ಬೇಜವಾಬ್ದಾರಿ ತೋರಿದೆ ಎಂಬ ಆರೋಪಗಳು ಕೇಳಿಬಿದ್ದಿವೆ. ಇತ್ತ ನಾಗರಿಕರೂ ಕೂಡಾ ತಮಗೆ ನೀಡಿದ ಕೈಗ್ಲೌಸ್​ಗಳನ್ನ ತೆಗೆದುಕೊಂಡು ಹೋಗದೆ, ರಸ್ತೆಗಳಲ್ಲಿ, ಪಾದಚಾರಿ ಮಾರ್ಗಗಳಲ್ಲಿ ಎಸೆದು ಹೋಗುತ್ತಿದ್ದಾರೆ. ಪರಿಸರ ಮಾಲಿನ್ಯ ಒಂದು ಕಡೆ ಆದರೆ, ಇನ್ನೊಂದೆಡೆ ಕೋವಿಡ್ ಭೀತಿ ಕೂಡ ಹೆಚ್ಚಲಿದೆ.