ಬಸ್ ನಿಲ್ದಾಣದಲ್ಲಿ ಐಟಿಐ ವಿದ್ಯಾರ್ಥಿಗಳಿಂದ ಬಸ್ ತಡೆದು ಪ್ರತಿಭಟನೆ

ಚಿಕ್ಕಬಳ್ಳಾಪುರ: ನಗರದಿಂದ ಆರು ಕಿಲೋ ಮೀಟರ್ ದೂರ ಇರುವ ತಿಪ್ಪೇನಹಳ್ಳಿಯ ನಿರ್ಜನ ಪ್ರದೇಶದಲ್ಲಿ ನಿರ್ಮಾಣವಾಗಿರುವ ಶಿಡ್ಲಘಟ್ಟ ಐಟಿಐ ಕಾಲೇಜಿಗೆ ನಿತ್ಯ 250ಕ್ಕೂ ಹೆಚ್ಚು ಗ್ರಾಮಾಂತರ ವಿದ್ಯಾರ್ಥಿಗಳು ಹೋಗಲು ಪರದಾಡ ಬೇಕಾಗಿದೆ. ಬಸ್​​ ಪಾಸ್ ನೀಡಿದ್ದರೂ ವಾರಕ್ಕೆ ನಾಲ್ಕು ಬಾರಿ ಮಾತ್ರ ಓಡಾಡುತ್ತಿದ್ದೇವೆ. ಉಳಿದ ದಿನಗಳಲ್ಲಿ ಕಾಲು ನಡೆಗೆ ಇಲ್ಲವಾದಲ್ಲಿ ರಸ್ತೆಯಲ್ಲಿ ಓಡಾಡುವ ವಾಹನ ಅಡ್ಡ ಗಟ್ಟಿ ಮನೆ ಸೇರಬೇಕಾದ ಪರಿಸ್ಥಿತಿ ನಮ್ಮದು ಎಂಬುದು ವಿದ್ಯಾರ್ಥಿಗಳ ಅಳಲಾಗಿದೆ. ಚಿಕ್ಕಬಳ್ಳಾಪುರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಮುಖ್ಯ ನಿರ್ವಾಹಕ ಮಂಜುನಾಥ್ ಆಗಮಿಸಿ ವಿದ್ಯಾರ್ಥಿಗಳ ಸಮಸ್ಯೆಯನ್ನು ಆಲಿಸಿ, ನಿಮಗೆ ಅನುಕೂಲವಾಗುವ ರೀತಿಯಲ್ಲಿ ಬಸ್ ವ್ಯವಸ್ಥೆ ಮಾಡುತ್ತೇನೆ ಎಂದಿದ್ದಾರೆ.