ಅಂತರ ಕಾಯ್ದುಕೊಳ್ಳಲು ರಂಗೋಲಿ ಚೌಕಟ್ಟು: ಕೊರೊನಾ ಹರಡದಂತೆ ಪೌರಾಯುಕ್ತ ಬೋರಣ್ಣವರ ಜಾಗೃತಿ

ಚಿಕ್ಕೋಡಿ: ಕೊರೊನಾ ಸೋಂಕು ತಡೆಯುವ ಸಲುವಾಗಿ ಅಂಗಡಿಗಳ ಮುಂದೆ ಪೌರ ಕಾರ್ಮಿಕರು ರಂಗೋಲಿ ಚೌಕಟ್ಟು ನಿರ್ಮಾಣ ಮಾಡುತ್ತಿದ್ದಾರೆ. ಬೆಳಗಾವಿ ಜಿಲ್ಲೆಯ ನಿಪ್ಪಾಣಿ ಪಟ್ಟಣ ಹಾಗೂ ಸುತ್ತಮುತ್ತ ಕೊರೊನಾ ವೈರಸ್ ಹರಡ‌ದಂತೆ ಪ್ರತಿನಿತ್ಯ ಬೇಕಾಗುವ ಕಾಯಿ ಪಲ್ಯ, ಔಷಧಿ, ರೇಷನ್​​ ಅಂಗಡಿ, ಪೇಟ್ರೊಲ್, ಡಿಸೇಲ್, ಹಾಲು, ಹಣ್ಣುಹಂಪಲು ಅಂಗಡಿಗಳಿಗೆ ವಸ್ತುಗಳನ್ನು ಖರೀದಿಸಲು ಹೋದಾಗ ಜನರು ಸುಮಾರು 1 ಮೀಟರ್​​ನಷ್ಟು ಅಂತರ ಕಾಯ್ದುಕೊಳ್ಳಬೇಕು. ಮುಖಕ್ಕೆ ಮಾಸ್ಕ್​​, ಕೈ ಚೀಲ ಧರಿಸಿ ಖರೀದಿ ಮಾಡಬೇಕು. ಅಂಗಡಿ ಮಾಲೀಕರು ಸಹ ಕೈಚೀಲ, ಮಾಸ್ಕ್, ಸ್ಯಾನಿಟೈಸರ್ ದ್ರವ ಬಳಸಿಕೊಂಡು ಅಂತರದಿಂದ ವ್ಯಾಪಾರ ವಹಿವಾಟ ಮಾಡಬೇಕು. ಹೆಚ್ಚು ಜನರನ್ನು ಸೇರಿಸದೆ ಕಟ್ಟುನಿಟ್ಟಾಗಿ ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸಿ ಎಂದು ನಿಪ್ಪಾಣಿ ಪೌರಾಯುಕ್ತ ಮಹಾವೀರ ಬೋರಣ್ಣವರ ಸಾರ್ವಜನಿಕರಿಗೆ ಜಾಗೃತಿ ಮೂಡಿಸಿದರು.