ಎಲ್ಲೆಂದರಲ್ಲಿ ಪಾರ್ಕ್​ ಮಾಡಿ ಹೋಗುವ ಮುನ್ನ ಹುಷಾರಾಗಿರಿ: ಮಾಯವಾಗುತ್ತೆ ನಿಮ್ಮ ವಾಹನಗಳು!

ಕೋಲಾರ: ಹಾಡಹಗಲೇ ಹೋಟೆಲ್ ಮುಂದೆ ನಿಲ್ಲಿಸಿದ್ದ ಪಲ್ಸರ್ ಬೈಕೊಂದನ್ನು ಕದ್ದೊಯ್ದಿರುವ ಘಟನೆ ಕೋಲಾರದಲ್ಲಿ ನಡೆದಿದೆ. ನಗರದ ಡೂಂಲೈಟ್ ವೃತ್ತದ ಬಳಿಯ ಹೋಟೆಲ್​ ಮುಂದೆ ಬೈಕ್​ ನಿಲ್ಲಿಸಲಾಗಿತ್ತು. ಈ ವೇಳೆ ಅಲ್ಲಿಗೆ ಬಂದ ಇಬ್ಬರು ಖದೀಮರು ಲಾಕ್​ ಮುರಿದು ಬೈಕ್​ ಜೊತೆ ಕ್ಷಣಾರ್ಧದಲ್ಲಿ ಮಾಯವಾಗಿದ್ದಾರೆ. ಕಳ್ಳರ ಕೈಚಳಕ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಜನರನ್ನು ಬೆಚ್ಚಿ ಬೀಳಿಸಿದೆ.