ಕಾಫಿನಾಡಿನಲ್ಲಿ ಮೈನವಿರೇಳಿಸಿದ ಬೈಕ್ ರೇಸ್ - ವಿಡಿಯೋ

ಚಿಕ್ಕಮಗಳೂರು: ನಗರದ ಟೀಂ 65 ಯುವಕರ ತಂಡ ಆಯೋಜಿಸಿದ್ದ ಬೈಕ್​ ರೇಸ್​ ನೋಡುಗರ ಕಣ್ಮನ ಸೆಳೆಯಿತು. ಕಿರಿದಾದ ರಸ್ತೆಯಲ್ಲಿ ಸುಜುಕಿ, ಹೀರೋ, ಯಮಹಾ ಬೈಕ್‍ಗಳು ನಾ ಮುಂದು ತಾ ಮುಂದು ಅಂತ ಧೂಳೆಬ್ಬಿಸುತ್ತಾ ಸಾಗುತ್ತಿದ್ದರೆ, ಸುತ್ತಲು ನೆರೆದಿದ್ದ ಯುವ ಸಮೂಹದ ಮೈ ನವಿರೇಳಿಸುವಂತಿತ್ತು. ರೇಸಿಂಗ್​ನಲ್ಲಿ ಕೇರಳ, ಚೆನ್ನೈ, ತಮಿಳುನಾಡಿನ ರೈಡರ್​ಗಳಿಗೆ ಬೆಂಗಳೂರು, ಮೈಸೂರು, ಬೆಳಗಾವಿ, ಹಾಸನ, ಮಂಗಳೂರು, ತುಮಕೂರಿನ ರೈಡ್​ರ್​ಗಳು ತೀವ್ರ ಪೈಪೋಟಿ ನೀಡಿದರು. ಒಟ್ಟು 90 ಕ್ಕೂ ಹೆಚ್ಚು ಬೈಕ್​ಗಳ ಜಿದ್ದಾ ಜಿದ್ದಿ ನೋಡಿದ ಜನರು ಕೋವಿಡ್ ನಡುವೆಯೂ ಸಖತ್ ಎಂಜಾಯ್ ಮಾಡಿದರು.