ತುಮಕೂರು: ಹಸಿವಿನಿಂದ ಬಳಲುತ್ತಿದ್ದ ಭಿಕ್ಷುಕಿಗೆ ಆಹಾರ ನೀಡಿ ಮಾನವೀಯತೆ ಮೆರೆದ ಎಎಸ್​ಐ

ತುಮಕೂರು: ಕೊರೊನಾ ವೈರಸ್ ಹಿನ್ನೆಲೆ ದೇಶ ಲಾಕ್​ಡೌನ್​ ಆಗಿದೆ. ಹಾಗಾಗಿ ಆಹಾರ ಸಿಗದೆ ಹಸಿವಿನಿಂದ ಬಳಲುತ್ತಿದ್ದ ಭಿಕ್ಷುಕಿಗೆ ಪೊಲೀಸ್ ಸಿಬ್ಬಂದಿಯೊಬ್ಬರು ಆಹಾರ ನೀಡಿ ಮಾನವೀಯತೆ ಮೆರೆದಿದ್ದಾರೆ. ತುಮಕೂರು ಜಿಲ್ಲೆ ಕೊರಟಗೆರೆ ಪಟ್ಟಣದಲ್ಲಿ ಎಎಸ್​ಐ ಮಂಜುನಾಥ್ ಎಂಬುವರು ಕೊರಟಿಗೆರೆಯಲ್ಲಿ ಗಸ್ತು ತಿರುಗುತ್ತಿದ್ದಾಗ ಅನ್ನವಿಲ್ಲದೆ ಕುಳಿತಿದ್ದ ಭಿಕ್ಷುಕಿಗೆ ತಮ್ಮ ಬೈಕ್​ನಲ್ಲಿದ್ದ ಆಹಾರ ಪೊಟ್ಟಣ, ನೀರನ್ನು ಕೊಟ್ಟಿದ್ದಾರೆ. ಅಲ್ಲದೆ ಅನ್ನವನ್ನು ವ್ಯರ್ಥ ಮಾಡದಂತೆ ತಿಳಿಹೇಳಿದ್ದಾರೆ.