ಕೆಂಡದ ಮೇಲೆ ನಡೆದು ಅಗ್ನಿ ಸೇವೆ ಸಲ್ಲಿಸಿದ ಕುಷ್ಟಗಿಯ ಗುರು ಸ್ವಾಮಿ

ಕುಷ್ಟಗಿ(ಕೊಪ್ಪಳ): ಶ್ರೀ ಅಯ್ಯಪ್ಪಸ್ವಾಮಿ ಮಹಾಪೂಜೆ ಸಂದರ್ಭದಲ್ಲಿ ಕುಷ್ಟಗಿಯ ಗುರು ಸ್ವಾಮಿಗಳಾದ ಕಿಶೋರ್ ಸ್ವಾಮಿ ಹಿರೇಮಠ ಅವರು, ಕೆಂಡದಲ್ಲಿ ನಡೆದು ಅಗ್ನಿ ಸೇವೆ ಸಲ್ಲಿಸಿದ್ದಾರೆ. ತಾಲೂಕಿನ ವಣಗೇರಾ ಗ್ರಾಮದಲ್ಲಿ ಆಯೋಜಿಸಿದ್ದ ಮಹಾಪೂಜಾ ಕಾರ್ಯಕ್ರಮದಲ್ಲಿ ಗುರು ಸ್ವಾಮಿಗಳಾದ ಕಿಶೋರ್​​ ಸ್ವಾಮಿಗಳು ಎರಡು ಟ್ರ್ಯಾಕ್ಟರ್ ಕಟ್ಟಿಗೆಯ ಕೆಂಡದಲ್ಲಿ ಶ್ರೀ ಅಯ್ಯಪ್ಪ ಸ್ವಾಮಿಯನ್ನು ಸ್ತುತಿಸುತ್ತಾ ಕುಂಡದಲ್ಲಿ ಅಗ್ನಿ ಸೇವೆ ಸಲ್ಲಿದರು. ಭಾವಪರವಶರಾಗಿ ಶ್ರೀ ಆಯ್ಯಪ್ಪಸ್ವಾಮಿ ಮಾಲಾಧಾರಿಗಳು ಈ ಸೇವೆ ಸಲ್ಲಿಸಿದರು. ಕಿಶೋರ್​ ಸ್ವಾಮಿಗಳು ಮಾತನಾಡಿ, ಈ ಸೇವೆ ಪವಾಡ ಅಲ್ಲ. ಅಯ್ಯಪ್ಪ ಸ್ವಾಮಿಯ ಪೂಜಾ ಕೈಂಕರ್ಯಗಳಲ್ಲಿ ಒಂದು. ಅಯ್ಯಪ್ಪಸ್ವಾಮಿ ಮಾಲಾಧಾರಿಗಳಾದ ಮೇಲೆ ಬರಿಗಾಲಲ್ಲಿ ಇರುವ ಕಾರಣ ಪಾದ ಬಿರುಸಾಗಿದ್ದು, ಬೆಂಕಿಯ ಸ್ಪರ್ಶ ಕೂಡಲೇ ಆಗುವುದಿಲ್ಲ. ಈ ಸೇವೆ ವೈಜ್ಞಾನಿಕವಾಗಿದ್ದು ಬೆಂಕಿ ಕೆಂಡದ ಮೇಲೆ ಪಾದ ಇಟ್ಟು ಮುಂದೆ ಸಾಗಿದರೆ ಏನೂ ಆಗದು. ಭಕ್ತಾದಿಗಳು ಜಾಗ್ರತೆಯಿಂದ ಮಾಡಬೇಕಾದ ಕಠಿಣ ಸೇವೆ ಇದಾಗಿದೆ ಎಂದಿದ್ದಾರೆ.