ವಿರಾಟ್​ ನಾಯಕ, ನಾನು ಉಪನಾಯಕ: ಕೊಹ್ಲಿ ತಂಡಕ್ಕೆ ಮರಳಿರುವುದು ಸಂತೋಷ: ರಹಾನೆ!

ಚೆನ್ನೈ: ಫೆ.5ರಿಂದ ಇಂಗ್ಲೆಂಡ್​-ಭಾರತ ತಂಡಗಳ ನಡುವೆ ಟೆಸ್ಟ್​ ಆರಂಭಗೊಳ್ಳಲಿದ್ದು, ಅದಕ್ಕಾಗಿ ಉಭಯ ತಂಡಗಳು ಈಗಾಗಲೇ ಸಜ್ಜುಗೊಳ್ಳುತ್ತಿವೆ. ಆಸ್ಟ್ರೇಲಿಯಾದಲ್ಲಿ ಟೆಸ್ಟ್​ ಸರಣಿ ಗೆದ್ದಿರುವ ಹುಮ್ಮಸ್ಸಿನಲ್ಲಿರುವ ಟೀಂ ಇಂಡಿಯಾ ಆಂಗ್ಲರ ಮೇಲೆ ಸವಾರಿ ಮಾಡಲು ಸಜ್ಜಾಗಿದೆ. ಇದೇ ವಿಚಾರವಾಗಿ ಟೀಂ ಇಂಡಿಯಾ ಉಪನಾಯಕ ಅಜಿಂಕ್ಯ ರಹಾನೆ ಮಾತನಾಡಿದ್ದು, ವಿರಾಟ್​ ನಾಯಕ, ತಾವು ಉಪನಾಯಕ ಎಂದು ಹೇಳಿದ್ದಾರೆ. ಅವರು ತಂಡಕ್ಕೆ ಮರಳಿ ಬಂದಿರುವುದು ಸಂತೋಷವಾಗಿದೆ. ಒಟ್ಟಿಗೆ ಆಡುವುದರ ಬಗ್ಗೆ ಗಮನ ಹರಿಸಿದ್ದೇವೆ. ಸ್ವಲ್ಪ ಹೊಂದಾಣಿಕೆ ಅಗತ್ಯವಿದೆ ಎಂದಿರುವ ರಹಾನೆ, ಸದ್ಯ ಉತ್ತಮವಾಗಿ ಚೆನ್ನಾಗಿ ಬ್ಯಾಟಿಂಗ್ ಮಾಡ್ತಿದ್ದೇನೆ ಎಂದು ತಿಳಿಸಿದ್ದಾರೆ.