ಅಭಿಮಾನಿ ಮನೆಗೆ ಭೇಟಿ ನೀಡಿದ ಪವರ್ ಸ್ಟಾರ್...ಪುನೀತ್​​ ಸರಳತೆ ಕೊಂಡಾಡಿದ ಜನರು

ಸೆಲಬ್ರಿಟಿಗಳು ಅಭಿಮಾನಿಗಳ ಮನೆಗೆ ಭೇಟಿ ನೀಡುವುದು ನಿಜಕ್ಕೂ ಅಪರೂಪ ಹಾಗೂ ವಿಶೇಷ ಸಂಗತಿ ಎಂದೇ ಹೇಳಬಹುದು. ಪವರ್ ಸ್ಟಾರ್ ಪುನೀತ್​ ರಾಜ್​ಕುಮಾರ್ ಹುಬ್ಬಳ್ಳಿಯ ತಮ್ಮ ಡೈ ಹಾರ್ಡ್ ಅಭಿಮಾನಿಯೊಬ್ಬರ ಮನೆಗೆ ಭೇಟಿ ನೀಡಿ ಅವರ ಕುಟುಂಬದವರಿಗೆ ಸರ್​​ಪ್ರೈಸ್ ನೀಡಿದ್ದಾರೆ. ರಘು, ಪುನೀತ್ ಅವರ ಪಕ್ಕಾ ಅಭಿಮಾನಿಯಾಗಿದ್ದು ಪುನೀತ್​​​​​ರನ್ನು ಮನೆಗೆ ಬರುವಂತೆ ಆಗಾಗ್ಗೆ ಮನವಿ ಮಾಡುತ್ತಿದ್ದರು ಎನ್ನಲಾಗಿದೆ. ಇಂದು ರಘು ಮನೆಗೆ ಭೇಟಿ ನೀಡಿದ ಪುನೀತ್ ಅಭಿಮಾನಿ ಮನೆಯಲ್ಲಿ ಊಟ ಮಾಡಿ, ಟೀ ಕುಡಿದು ಮನೆಯವರೊಂದಿಗೆ ಸ್ವಲ್ಪ ಸಮಯ ಕಾಲ ಕಳೆದು ಬಂದಿದ್ದಾರೆ. ಪುನೀತ್ ಅವರ ಈ ಸರಳತೆಯನ್ನು ಎಲ್ಲರೂ ಕೊಂಡಾಡಿದ್ದಾರೆ.