ಕೆಜಿಎಫ್ ಚಾಪ್ಟರ್​-2 ಗೆ ನೀವೆಲ್ಲರೂ ಪಿಲ್ಲರ್​ಗಳು: ತಾರಾಬಳಗಕ್ಕೆ ಅಭಿನಂದಿಸಿದ ರಾಧಿಕಾ ಪಂಡಿತ್​

ಬೆಂಗಳೂರು ನಗರದ ಓರಾಯನ್ ಮಾಲ್‌ನಲ್ಲಿ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ 'ರಾಕಿಂಗ್ ಸ್ಟಾರ್' ಯಶ್ ಅಭಿನಯದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ಈ ವೇಳೆ ನಟಿ ರಾಧಿಕಾ ಪಂಡಿತ್ ಮಾತನಾಡಿದ್ದು, ಕೆಜಿಎಫ್ ಸಿನಿಮಾ ಬಗ್ಗೆ ಹೆಮ್ಮೆಯಾಗುತ್ತಿದೆ. ಇಲ್ಲಿ ಭಾಗವಹಿಸಿರುವ ಎಲ್ಲರಿಗೂ ಧನ್ಯವಾದಗಳು. ಈ ಸಿನಿಮಾ ಒಂದು ಅರಮನೆ ಇದ್ದಂತೆ. ನೀವೆಲ್ಲರೂ ಇದಕ್ಕೆ ಪಿಲ್ಲರ್​ಗಳ ರೀತಿ. ಈಗಾಗಲೇ ಈ ಸಿನಿಮಾವನ್ನು ನಾನು ನೋಡಿದ್ದೇನೆ. ಮೂವಿ ಅದ್ಭುತವಾಗಿದೆ ಎಂದ ಅವರು, ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ರಾಕಿಂಗ್ ಸ್ಟಾರ್ ಯಶ್, ಶ್ರೀನಿಧಿ ಶೆಟ್ಟಿ, ರವೀನಾ ಟಂಡನ್, ಸಂಜಯ್ ದತ್ ಅವರಿಗೆ ಧನ್ಯವಾದ ಸಲ್ಲಿಸಿದ್ದಾರೆ.