ಕಾರಿನ ಡಿಕ್ಕಿ ರಭಸಕ್ಕೆ ಕಿತ್ತುಬಂದ ವಿದ್ಯುತ್ ಕಂಬ.. ಯಾವ್​ ಕಂಪನಿ ಕಾರಣ್ಣಾ ಇದು.. ಅಂತಿರೋ ನೆಟ್ಟಿಗರು: ವಿಡಿಯೋ ವೈರಲ್

ಬಕ್ಸಾರ್(ಬಿಹಾರ) : ಸಿನಿಮಾ ಶೈಲಿಯಲ್ಲಿ ಕಾರು ಚಾಲಕನೊಬ್ಬ ವಿದ್ಯುತ್ ಕಂಬಕ್ಕೆ ಬಲವಾಗಿ ಡಿಕ್ಕಿ ಹೊಡೆದಿದ್ದರಿಂದ ವಿದ್ಯುತ್ ಕಂಬವು ನೆಲದಿಂದ ಕಿತ್ತು ಗಾಳಿಯಲ್ಲಿ ತೂಗಾಡಲಾರಂಭಿಸಿದ ಘಟನೆ ಬಿಹಾರದ ಬಕ್ಸಾರ್​ನಲ್ಲಿ ನಡೆದಿದೆ. ಡಿಕ್ಕಿಯ ನಂತರ ವಿದ್ಯುತ್​ ಕಂಬದಿಂದ ಕಿಡಿಗಳು ಎದ್ದಿವೆ. ಆದರೆ ಈ ವೇಳೆ ಕಾರು ತುಂಬಾ ಆರಾಮವಾಗಿ ಪಿಲ್ಲರ್ ಮುರಿದು ಮುಂದೆ ಹೋಗಿದ್ದು, ಕಾರಿನ ಗ್ಲಾಸ್ ಆಗಲಿ, ಹೆಡ್​ಲೈಟ್ ಆಗಲಿ ಒಡೆದಿಲ್ಲ ಎಂದು ತಿಳಿದುಬಂದಿದೆ.

ಡಿಕ್ಕಿಯ ನಂತರ ಕಾರಿನ ಮೇಲೆ ಯಾವುದೇ ಡ್ಯಾಮೇಜ್​ ಆಗಿಲ್ಲ:  ಶನಿವಾರ ಬೆಳಗ್ಗೆಯಿಂದಲೇ ಈ ಸಾಹಸದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಸಿಸಿಟಿವಿಯಲ್ಲಿ ಸೆರೆಯಾಗಿರುವ ಈ ವಿಡಿಯೋ ನೋಡಿ ಜನರು ಅಚ್ಚರಿಗೊಂಡಿದ್ದಾರೆ. ಬಳಕೆದಾರರು ವಿಭಿನ್ನ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ. ಕೆಲವರು 'ಡ್ರಿಂಕ್ ಅಂಡ್​​ ಡ್ರೈವ್', ಕೆಲವರು 'ಸ್ಟಂಟ್ ಬಾಜ್', ಕೆಲವರು 'ಪ್ರಚಂಡ' ಎಂದು ಬರೆದು ಕಾಮೆಂಟ್ ಮಾಡುತ್ತಿದ್ದಾರೆ. ಈ ವೀಡಿಯೋ ನೋಡುತ್ತಿರುವವರಲ್ಲಿ ಗಾಬರಿಯೂ ಆಗದೇ ಇದ್ದದ್ದು ಹೇಗೆ ಎಂದು ಆಶ್ಚರ್ಯ ಪಡುತ್ತಿದ್ದಾರೆ. ಯಾವ ಕಂಪನಿಯ ವಾಹನ ಅಣ್ಣ ಎಂದು ಸಹ ಕೇಳುತ್ತಿದ್ದಾರೆ.

ಸರಾಗವಾಗಿ ಹೊರಟುಹೋದ ಕಾರ್ ಡ್ರೈವರ್ : ವಾಸ್ತವವಾಗಿ ಈ ವಿಡಿಯೋ ಬಕ್ಸಾರ್‌ನ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯ ಆಮ್ಲಾ ಟೋಲಾ ಅವರದ್ದು, ಅಲ್ಲಿ ಸಿಂಡಿಕೇಟ್‌ನಿಂದ ವೇಗವಾಗಿ ಬಂದ ಕಾರು ಚಾಲಕನು ರಸ್ತೆ ಬದಿಯಲ್ಲಿದ್ದ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದು ವಿದ್ಯುತ್ ಪ್ರವಹಿಸುತ್ತಾನೆ. ಆಗ ಕಂಬವು ಚೆಂಡಿನಂತೆ ಪುಟಿಯುತ್ತದೆ. ಬಳಿಕ ಕಾರು ಚಾಲಕ ಅದೇ ವೇಗದಲ್ಲಿ ತೆರಳಿದ್ದು, ಆಗ ಅಲ್ಲಿ ನಿಂತಿದ್ದವರು ಭಯದಿಂದ ಮನೆಯೊಳಗೆ ಪ್ರವೇಶಿಸಿದ್ದಾರೆ. ಈ ವೇಳೆ ವಿದ್ಯುತ್ ಕಂಬದಿಂದ ಹೊರಬಿದ್ದ ಕಿಡಿಗಳು ರಸ್ತೆಯಲ್ಲಿ ಹರಡಿವೆ.

ಪೊಲೀಸರಿಗೆ ಮಾಹಿತಿ ಇಲ್ಲ : ವೈರಲ್ ಆಗಿರುವ ಈ ವಿಡಿಯೋ ನೋಡಿದ ಜನರು ಮೊದಲಿಗೆ ಇದು ಸಿನಿಮಾದ ವಿಡಿಯೋ ಎಂದು ಭಾವಿಸಿದ್ದರು. ಆದರೆ ಇದಕ್ಕೆ ಸಂಬಂಧಿಸಿದ ಮತ್ತೊಂದು ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದಾಗ, ವಿಡಿಯೋ ಆಮ್ಲ ಟೋಲಾ ಅವರದ್ದು ಎಂಬುದು ತಿಳಿದುಬಂದಿದೆ. ನಗರ ಪೊಲೀಸ್ ಠಾಣೆ ವ್ಯಾಪ್ತಿಯ ಈ ಸಿಸಿಟಿವಿ ದೃಶ್ಯಾವಳಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಬಗ್ಗೆ ನಗರಠಾಣೆ ಪ್ರಭಾರಿ ದಿನೇಶ್ ಮಾಲಕರ್ ಅವರನ್ನು ಕೇಳಿದಾಗ, ಘಟನೆಯ ಬಗ್ಗೆ ಯಾರೂ ದೂರು ನೀಡಿಲ್ಲ ಹಾಗೂ ಆ ಸಿಸಿಟಿವಿ ದೃಶ್ಯಗಳನ್ನು ಪೊಲೀಸರಿಗೆ ನೀಡಿಲ್ಲ ಎಂದು ಹೇಳಿದ್ದಾರೆ.  

ಇದನ್ನೂ ಓದಿ: ಮಳೆ ನೀರಿನಲ್ಲಿ ಕಾರಿನೊಂದಿಗೆ ಕೊಚ್ಚಿ ಹೋಗುತ್ತಿದ್ದ ಮಹಿಳೆಯ ರಕ್ಷಣೆ- ವಿಡಿಯೋ