ಟಿ20 ವಿಶ್ವಕಪ್​ : ಭಾರತದ ಗೆಲುವಿನ ಸಂಭ್ರಮಕ್ಕೆ ಪೊಲೀಸರ ಲಾಟಿ ಏಟು!

ಪುಣೆ (ಮಹಾರಾಷ್ಟ್ರ): ಮೆಲ್ಬರ್ನ್​ನಲ್ಲಿ ನಡೆದ ಟಿ20 ವಿಶ್ವಕಪ್​ನ ಭಾರತ ಮತ್ತು ಪಾಕಿಸ್ತಾನ ಪಂದ್ಯ ಕೊನೆವರಗೂ ರೋಚಕವಾಗಿತ್ತು. ಕೊನೆಯ ಓವರ್​ನ ಕೊಹ್ಲಿಯ ಅದ್ಭುತ ಸಿಕ್ಸ್​ ಮತ್ತು ಅಶ್ವಿನ್​ ಸಿಂಗಲ್​ ರನ್​ನಿಂದ ಭಾರತ ಪಾಕಿಸ್ತಾನವನ್ನು ನಾಲ್ಕು ವಿಕೆಟ್‌ಗಳಿಂದ ಸೋಲಿಸಿತು. ವಿರಾಟ್ ಕೊಹ್ಲಿ 53 ಎಸೆತಗಳಲ್ಲಿ 83 ರನ್ ಗಳಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಈ ಗೆಲುವಿನ ನಂತರ ಪುಣೆಯಲ್ಲಿ ಸಾರ್ವಜನಿಕರು ಸಂಭ್ರಮಾಚರಣೆ ಆರಂಭಿಸಿದ್ದರು. ಭಾರತ ಕ್ರಿಕೆಟ್​ ತಂಡ ದೀಪಾವಳಿ ಉಡುಗೊರೆ ನೀಡಿದೆ ಎಂದು ಸಂಭ್ರಮಿಸಿದರು. ಈ ವೇಳೆ ನಗರದಲ್ಲಿ ಟ್ರಾಫಿಕ್​ ಜಾಮ್​ ಉಂಟಾಗಿದ್ದಕ್ಕೆ ಜನರನ್ನು ಚದುರಿಸಲು ಪೊಲೀಸರು ಲಾಟಿ ಬೀಸಿದರು.