'ಸೆಂಗೋಲ್​'ಗೆ ಪ್ರಧಾನಿ ಮೋದಿಯಿಂದ ಸಾಷ್ಟಾಂಗ ನಮಸ್ಕಾರ - ವಿಡಿಯೋ

ನವದೆಹಲಿ: 75 ವರ್ಷಗಳ ಸ್ವಾತಂತ್ರ್ಯದ ನಂತರ ನಮ್ಮದೇ ಆದ ನೂತನ ಸಂಸತ್​ ಭವನದ ಉದ್ಘಾಟನಾ ಕಾರ್ಯಕ್ರಮವು ಮಂತ್ರಘೋಷಗಳ ನಡುವೆ ನಡೆಯಿತು. ಇದೆ ವೇಳೇ ರಾಜದಂಡವಾದ 'ಸೆಂಗೋಲ್​​'ನ ಹಸ್ತಾಂತರವನ್ನು ತಮಿಳುನಾಡಿನ ವಿವಿಧ ಅಧೀನಂಗಳಿಂದ ಪ್ರಧಾನಿ ಮೋದಿಯವರಿಗೆ ಮಾಡಲಾಯಿತು. ಸೆಂಗೋಲ್​ನ್ನು ಪಡೆಯುವ ಮುನ್ನ ಮೋದಿಯವರು ಪೂಜ್ಯರ ಆರ್ಶೀವಾದ ಪಡೆಯುತ್ತಾ, ರಾಜದಂಡದ ಮುಂದೆ ಸಾಷ್ಟಾಂಗ ನಮಸ್ಕಾರ ಮಾಡಿರುವುದು ವಿಶೇಷವಾಗಿತ್ತು. 

ನಮಸ್ಕಾರದ ಬಳಿಕ ಸೆಂಗೋಲ್​ನ್ನು ತಮ್ಮ ಕೈಗೆ ಪಡೆದ ಪ್ರಧಾನಿಯವರು ರಾಜದಂಡದೊಂದಿಗೆ ನಾದಸ್ವರ ಮತ್ತು ವೇದ ಮಂತ್ರಗಳ ಪಠಣಗಳ ನಡುವೆ ಮೆರವಣಿಗೆಯಲ್ಲಿ ಹೊಸ ಸಂಸತ್ ಭವನಕ್ಕೆ ಸೆಂಗೋಲ್ ಅನ್ನು ಕೊಂಡೊಯ್ದರು. ಲೋಕಸಭೆಯ ಸಭಾಂಗಣದಲ್ಲಿ ಸ್ಪೀಕರ್ ಕುರ್ಚಿಯ ಬಲಭಾಗದಲ್ಲಿ ನಿಗದಿಪಡಿಸಲಾಗಿದ್ದ ವಿಶೇಷ ಆವರಣದಲ್ಲಿ ರಾಜದಂಡವನ್ನು ಸ್ಪೀಕರ್​ ಓಂ ಬಿರ್ಲಾ ಅವರ ಸಮೇತ ತೆರಳಿ ಅಲ್ಲಿ ಪ್ರತಿಷ್ಠಾಪಿಸಿದರು. ಅಲ್ಲಿ ಇಡಲಾಗಿದ್ದ ಜ್ಯೋತಿಯನ್ನು ಬೆಳಗಿಸುವ ಮೂಲಕ ನೂತನ ಸಂಸತ್​ ಭವನದ ಉದ್ಘಾಟನೆಗೆ ಅಧಿಕೃತ ಚಾಲನೆ ನೀಡಿದರು. ಇದಕ್ಕೂ ಮುನ್ನ ಸಂಸತ್ತಿನ ನೂತನ ಕಟ್ಟಡದ ಲಾಬಿಯಲ್ಲಿ ಸರ್ವಧರ್ಮಗಳ ಸಮ್ಮಿಲನ ಕಾರ್ಯಕ್ರಮ ಕೂಡ ನಡೆದಿದೆ. 

ಇದನ್ನೂ ಓದಿ: ಏನಿದು ಸೆಂಟ್ರಲ್ ವಿಸ್ತಾ, ಇದರ ಪುನರಾಭಿವೃದ್ಧಿ ಯೋಜನೆಗಳೇನು?