ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ ಫೋಟೋಗೆ ಅಭಿಮಾನಿಗಳಿಂದ ಹಾಲಿನ ಅಭಿಷೇಕ- ವಿಡಿಯೋ

ಮಹಾರಾಷ್ಟ್ರ: ಭಾರತ ತಂಡದ ಸ್ಟಾರ್​ ಪ್ಲೇಯರ್​ಗಳಾದ ಚೇಸ್​ ಮಾಸ್ಟರ್​ ವಿರಾಟ್ ಕೊಹ್ಲಿ ಮತ್ತು ಹಿಟ್​ಮ್ಯಾನ್​ ರೋಹಿತ್​ ಶರ್ಮಾ ಅವ ಫೋಟೋಗಳಿಗೆ ಮಹಾರಾಷ್ಟ್ರದ ಪುಣೆಯ ಅಭಿಮಾನಿಗಳು ಹಾಲಿನ ಅಭಿಷೇಕ ಮಾಡಿದರು. ಭಾರತ ವಿಶ್ವಕಪ್​ ಟ್ರೋಫಿಯನ್ನು ಎತ್ತಿ ಹಿಡಿಯಲಿ ಎಂದು ಪ್ರಾರ್ಥಿಸಿದರು.

ಪುಣೆಯಲ್ಲಿ ಇಬ್ಬರೂ ಆಟಗಾರರ ದೊಡ್ಡ ಬ್ಯಾನರ್​ಗಳನ್ನು ಹಾಕಿರುವ ಅಭಿಮಾನಿಗಳು ಅದರ ಮುಂದೆ ಜಮಾಯಿಸಿ ಭಾರತ ಗೆಲ್ಲಲಿದೆ ಎಂದು ಘೋಷಣೆ ಕೂಗಿದರು. ಬಳಿಕ ಬ್ಯಾನರ್​ಗಳಿಗೆ ಹಾಲನ್ನು ಎರೆದು ಅಭಿಮಾನ ತೋರ್ಪಡಿಸಿದರು. ಟೂರ್ನಿಯಲ್ಲಿ ಅಸಾಧಾರಣ ಪ್ರದರ್ಶನ ನೀಡುತ್ತಿರುವ ಬ್ಯಾಟಿಂಗ್​ ಕಿಂಗ್​ ವಿರಾಟ್​ ಕೊಹ್ಲಿ 10 ಪಂದ್ಯಗಳಲ್ಲಿ 711 ರನ್​ ಗಳಿಸಿದ್ದಾರೆ. ನಾಯಕ ರೋಹಿತ್​ ಶರ್ಮಾ ಪವರ್​ಪ್ಲೇನಲ್ಲಿ ಸಾಟಿಯಿಲ್ಲದ ಬ್ಯಾಟ್​​ ಬೀಸುತ್ತಿದ್ದಾರೆ. ಇಬ್ಬರು ಆಟಗಾರರನ್ನು ಕಟ್ಟಿಹಾಕಲು ಎದುರಾಳಿ ತಂಡಗಳು ಪರದಾಡುತ್ತಿವೆ.

ಅಹಮದಾಬಾದ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯುವ ಫೈನಲ್ ಪಂದ್ಯದಲ್ಲಿ ಭಾರತ ಗೆದ್ದರೆ ಮೂರನೇ ಏಕದಿನ ವಿಶ್ವಕಪ್​ ಎತ್ತಿಹಿಡಿಯಲಿದೆ. ಆಸ್ಟ್ರೇಲಿಯಾ ಗೆದ್ದಲ್ಲಿ ಆರನೇ ಟ್ರೋಫಿ ತನ್ನದಾಗಿಸಿಕೊಳ್ಳಲಿದೆ.

ಇದನ್ನೂ ಓದಿ: ಫೈನಲ್‌ ಪಂದ್ಯದತ್ತ ದಿಟ್ಟ ಹೆಜ್ಜೆ ಹಾಕಿದ ಟೀಂ ಇಂಡಿಯಾ​; ಸ್ಟೇಡಿಯಂ ಸುತ್ತ ಜನಸಾಗರ! -ವಿಡಿಯೋ