ಗಣೇಶ ಮಜ್ಜನ ಮೆರವಣಿಗೆಯಲ್ಲಿ ಯುವಕ ಯುವತಿಯರ ಲೆಜಿಮ್ ಡ್ಯಾನ್ಸ್ - ವಿಡಿಯೋ

ವಿಜಯಪುರ : ನಗರದಲ್ಲಿ ನಡೆದ ಗಣೇಶ ಮಜ್ಜನ ಮೆರವಣಿಗೆಯಲ್ಲಿ ಯುವಕ ಯುವತಿಯರ ಲೆಜಿಮ್ ಡ್ಯಾನ್ಸ್ ಗಮನ ಸೆಳೆದಿದೆ.‌ ಕೆಂಪು ಬಣ್ಣದ ಡ್ರೆಸ್ ಹಾಕಿ ಮಳೆಯನ್ನೂ ಲೆಕ್ಕಿಸದೇ ಕೈಯಲ್ಲಿ ಲೆಜಿಮ್ ಹಿಡಿದು ಯುವಕ ಯುವತಿಯರು ನೃತ್ಯ ಮಾಡಿದರು. ಶ್ರೀ ಶಂಕರಲಿಂಗ ಗಜಾನನ ಮಂಡಳಿಯಿಂದ ಲೆಜಿಮ್ ಡ್ಯಾನ್ಸ್ ಆಯೋಜನೆ ಮಾಡಲಾಗಿತ್ತು.ಯುವಕ ಯುವತಿಯರ ಲೆಜಿಮ್ ಡ್ಯಾನ್ಸ್ ನ್ನು ರಸ್ತೆ ಇಕ್ಕೆಲ್ಲಗಳಲ್ಲಿ ನೆರೆದಿದ್ದ ಜನರು ಕಣ್ತುಂಬಿಕೊಂಡರು. ಜೊತೆಗೆ ಇಲ್ಲಿನ ಉಪ್ಪಲಿಬುರುಜ್ ಹತ್ತಿರದ ಭಗತ್ ಸಿಂಗ್ ಗಜಾನನ ಮಂಡಳಿಯ ಗಣೇಶ ಮೆರವಣಿಗೆಗೆ ಮಾಜಿ ಸಚಿವ ಅಪ್ಪಾಸಾಹೇಬ ಪಟ್ಟಣಶೆಟ್ಟಿ ಚಾಲನೆ ನೀಡಿದರು. ಮೆರವಣಿಗೆಯಲ್ಲಿ ಯುವಕರು ಡಿಜೆ ಹಾಡಿಗೆ ಹೆಜ್ಜೆ ಹಾಕಿದರು. ಬಳಿಕ ನಗರದ ತಾಜ್ ಬಾವಡಿ ಹಾಗೂ ಗೋದಾವರಿ ಹೊಟೇಲ್ ಬಳಿ ನಿರ್ಮಾಣ ಮಾಡಿರೋ ಕೃತಕ ಹೊಂಡದಲ್ಲಿ ಗಣೇಶನ ಮೂರ್ತಿಗಳನ್ನು ಮಜ್ಜನ ಮಾಡಲಾಯಿತು.