ಸಂಕಷ್ಟದ ಸಮಯದಲ್ಲಿ ಇಸ್ರೇಲ್‌ ಬೆಂಬಲಿಸಿದವರಿಗೆ 'ಫೌಡಾ' ಖ್ಯಾತಿಯ ನಟಿ ರೋನಾ ಲೀ ಧನ್ಯವಾದ- ವಿಡಿಯೋ

ಟಿವಿ ಸಿರೀಸ್​ 'ಫೌಡಾ'ದ ಅಭಿನಯದಿಂದಾಗಿ ಸಾಕಷ್ಟು ಜನಪ್ರಿಯತೆ ಗಳಿಸಿರುವ ಇಸ್ರೇಲ್​ ನಟಿ ರೋನಾ- ಲೀ ಶಿಮೊನ್​ ಅವರು ಹಮಾಸ್​ ಭಯೋತ್ಪಾದಕರಿಂದ ದಾಳಿಗೊಳಗಾದ ತನ್ನ ದೇಶದ ಬೆಂಬಲಕ್ಕೆ ಬಂದ ಎಲ್ಲರಿಗೂ ಧನ್ಯವಾದ ಹೇಳಿದ್ದಾರೆ.

ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ನಟಿ, "ದಾಳಿಯಲ್ಲಿ ಬದುಕುಳಿದವರನ್ನು ಹಮಾಸ್​ ಒತ್ತೆಯಾಳಾಗಿಟ್ಟುಕೊಂಡಿದ್ದು, ಮರಳಿ ಕರೆತರುವ ಕಾರಣವನ್ನು ಇಸ್ರೇಲ್​ನ ಪ್ರತಿಯೊಬ್ಬ ನಾಗರಿಕರೂ ಬೆಂಬಲಿಸುತ್ತಿದ್ದಾರೆ. ಅವರನ್ನು ಮರಳಿ ಪಡೆಯಲು ನಾವು ಎಲ್ಲಾ ರೀತಿಯ ಪ್ರಯತ್ನ ಮಾಡುತ್ತಿದ್ದೇವೆ. ಎಂಟು ದಿನಗಳ ಹಿಂದೆ ನಾನು ಕಂಡಿದ್ದು ಅತ್ಯಂತ ಘೋರ ಘಟನೆ. ನಾವು ನಮ್ಮ ಸೇನೆಗೆ ಸಹಾಯ ಮಾಡುತ್ತಿದ್ದೇವೆ" ಎಂದರು.

ಇಸ್ರೇಲ್​ ಹಾಗೂ ಪ್ಯಾಲೆಸ್ಟೈನ್​ ಹಮಾಸ್​ ಉಗ್ರರ ನಡುವಿನ ಯುದ್ಧ 10ನೇ ದಿನಕ್ಕೆ ಕಾಲಿಟ್ಟಿದೆ. ಲೆಬನಾನ್​ ಗಡಿಯ 2 ಕಿಲೋ ಮೀಟರ್​ ವ್ಯಾಪ್ತಿಯಲ್ಲಿರುವ 28 ಸಮುದಾಯಗಳ ನಿವಾಸಿಗಳನ್ನು ಸ್ಥಳಾಂತರಿಸುವ ಯೋಜನೆ ನಡೆಯುತ್ತಿದೆ. ನಿನ್ನೆ ಸಣ್ಣ ಯುದ್ಧ ವಿರಾಮ ಘೋಷಿಸಿದ್ದ ಇಸ್ರೇಲ್​, ಗಾಜಾ ಪಟ್ಟಿಯನ್ನು ತೊರೆಯಲು ಜನರಿಗೆ ಅವಕಾಶ ನೀಡಿತ್ತು. ಇದೇ ವೇಳೆ ಲೆಬನಾನ್​ನಿಂದಲೂ ಹಿಜ್ಬುಲ್ಲಾ ಉಗ್ರರು ಇಸ್ರೇಲ್​ ಮೇಲೆ ದಾಳಿ ಆರಂಭಿಸಿದ್ದರು.

ಇದನ್ನೂ ಓದಿ: ಯುದ್ಧ ದಿನ-9: ಗಾಜಾದಲ್ಲಿ ನಾಗರಿಕರ ಸ್ಥಳಾಂತರಕ್ಕೆ 3 ತಾಸು ಕದನ ವಿರಾಮ ನೀಡಿದ ಇಸ್ರೇಲ್