ಚಲಿಸುತ್ತಿದ್ದ ಬಸ್ಸಿನ ಹಿಂಬದಿ ಗಾಜು ಒಡೆದು ರಸ್ತೆಗೆ ಬಿದ್ದ ವಿದ್ಯಾರ್ಥಿಗಳು!- ವಿಡಿಯೋ

ಗುಜರಾತ್​: ರಸ್ತೆಯ ಸ್ಪೀಡ್​ ಬ್ರೇಕರ್ ದಾಟುತ್ತಿದ್ದಂತೆ ಬಸ್​ನ ಹಿಂಬದಿಯ ಗಾಜು ಒಡೆದು ಇಬ್ಬರು ವಿದ್ಯಾರ್ಥಿಗಳು ರಸ್ತೆಗೆ ಬಿದ್ದು ಗಾಯಗೊಂಡರು. ಈ ಘಟನೆ ಗುಜರಾತ್​​ನ ಜಾಮ್​ನಗರದಲ್ಲಿ ಇಂದು ನಡೆದಿದೆ. ಘಟನೆಯ ದೃಶ್ಯ ಸಮೀಪದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್​ ಆಗಿದೆ.

ಜಾಮ್​ನಗರದ ನಗರ ಸಾರಿಗೆ ಬಸ್ ಚಾಲಕ ರಸ್ತೆಯಲ್ಲಿರುವ ಸ್ಪೀಡ್​ ಬ್ರೇಕರ್ ಮೇಲೆ ಸ್ವಲ್ಪ ವೇಗವಾಗಿ ಚಲಾಯಿಸದ ಕಾರಣ ಬಸ್​​ನ ಹಿಂದೆ ಇರುವ ಕಿಟಕಿಯ ಗಾಜು ಒಡೆದಿದೆ. ಇಬ್ಬರು ವಿದ್ಯಾರ್ಥಿಗಳು ರಸ್ತೆಗೆ ಬಿದ್ದು ಗಾಯಗೊಂಡಿದ್ದಾರೆ. ನಡುರಸ್ತೆಯಲ್ಲಿ ವಿದ್ಯಾರ್ಥಿಗಳು ಬಿದ್ದರೂ ವಿಷಯ ತಿಳಿಯದ ಚಾಲಕ ಬಸ್​ ಚಲಾಯಿಸಿಕೊಂಡು ಮುಂದೆ ಸಾಗಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಘಟನೆಯ ಬಗ್ಗೆ ಬಸ್ ಡಿಪೋ ಮ್ಯಾನೇಜರ್ ಜೆ.ವಿ.ಇಶ್ರಾಣಿ ಮಾತನಾಡಿ, "ಇಂದು ಬೆಳಗ್ಗೆ ಜಾಮ್‌ನಗರದಲ್ಲಿ ಬಸ್​ವೊಂದರ ಹಿಂದಿನ ಗಾಜು ಒಡೆದು ಇಬ್ಬರು ವಿದ್ಯಾರ್ಥಿಗಳು ರಸ್ತೆ ಬಿದ್ದಿದ್ದಾರೆ. ಇಬ್ಬರಿಗೂ ಸಣ್ಣಪುಟ್ಟ ಗಾಯಗಳಾಗಿವೆ. ಬಸ್ ಚಾಲಕನನ್ನು ಅಮಾನತುಗೊಳಿಸಲಾಗಿದೆ" ಎಂದು ಮಾಹಿತಿ ನೀಡಿದರು.

ಇದನ್ನೂ ಓದಿ : ಮಲೆನಾಡಿಗೆ ತಂಪೆರೆದ ಮಳೆರಾಯ; ವಿಪರೀತ ಸೆಖೆಯಿಂದ ಕೊಂಚ ನಿರಾಳರಾದ ಜನತೆ