ಪ್ರೇಮಿಗಳ ದಿನದಂದು ಪ್ರಧಾನಿ ಮೋದಿಗಾಗಿ ಸಿದ್ದವಾಯಿತು ₹2.50 ಲಕ್ಷದ ಚಿನ್ನದ ಗುಲಾಬಿ ಹೂಗಳ ಉಡುಗೊರೆ!

ಸೂರತ್​ (ಗುಜರಾತ್​): ಪ್ರತಿ ವರ್ಷ ಫೆ.14ರಂದು ಪ್ರೇಮಿಗಳ ದಿನವನ್ನು ಆಚರಿಸಲಾಗುತ್ತದೆ. ಅಲ್ಲದೇ ಈ ದಿನದಂದು ಪ್ರೇಮಿಗಳು ತಮ್ಮ ಪ್ರೀತಿಪಾತ್ರರಿಗೆ ವಿವಿಧ ಬಗೆಯ ಉಡುಗೊರೆಗಳನ್ನು ನೀಡುವ ಮೂಲಕ ಈ ದಿನವನ್ನು ವಿಶೇಷವಾಗಿ ಆಚರಣೆ ಮಾಡಿಕೊಳ್ಳುತ್ತಾರೆ. ಆದರೆ ಸೂರತ್​ ವಿಶ್ವವಿದ್ಯಾಲಯವೊಂದರ ವಿದ್ಯಾರ್ಥಿಗಳು ಈ ಬಾರಿಯ ಪ್ರೇಮಿಗಳು ದಿನಾಚರಣೆಯನ್ನು ವಿಶೇಷವಾಗಿ ಆಚರಿಸಲು ಸಿದ್ದರಾಗಿದ್ದು,  ಈ ದಿನದಂದು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ನೀಡಲೆಂದು ವಿಶೇಷವಾದ ಉಡುಗೊರೆಯೊಂದನ್ನ ವಿದ್ಯಾರ್ಥಿಗಳು ತಯಾರಿಸಿದ್ದಾರೆ.  

ಹೌದು 24 ಕ್ಯಾರೆಟ್​ನ ಚಿನ್ನ ಲೇಪಿತ ಗುಲಾಬಿ ಹೂಗುಚ್ಚವನ್ನು ತಯಾರಿಸಿರುವ ವಿದ್ಯಾರ್ಥಿಗಳು ಅದನ್ನು ನಾಳೆ  ಪ್ರಧಾನಿ ಮೋದಿ ಅವರಿಗೆ ಉಡುಗೊರೆಯಾಗಿ ನೀಡಲಿದ್ದಾರೆ. ಸುಮಾರು 151 ಚಿನ್ನ ಲೇಪಿತ ಗುಲಾಬಿ ಇರುವ ಈ ಹೂಗುಚ್ಚವನ್ನು ತಯಾರಿಸಲು 2.50 ಲಕ್ಷ ರೂ ತಗುಲಿದ್ದು, ತಮ್ಮ ಪಾಕೆಟ್​ ಮನಿಯಿಂದಲೇ ಈ ಉಡುಗೊರೆಯನ್ನು ತಯಾರಿಸಿರುವುದಾಗಿ ವಿದ್ಯಾರ್ಥಿಯೊಬ್ಬರು ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಅಲ್ಲದೇ ಈ ದಿನದಂದು ತಮ್ಮ ನೆಚ್ಚನಿ ವ್ಯಕ್ತಿಗಳಿಗೆ ಗುಲಾಬಿ ಹೂಗಳನ್ನು ಕೊಡುವ ಪದ್ದತಿ ಇದ್ದ ಕಾರಣ ಇದನ್ನು ಮೋದಿ ಅವರಿಗೆ ನೀಡಲಾಗುತ್ತಿದೆ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ.     

ಇದನ್ನೂ ಓದಿ: ಏರ್ ಶೋ ನೋಡಲು ಬಂದು ಸ್ನೇಕ್​ ಶೋ ನೋಡಿದ ಜನ - ವಿಡಿಯೋ