ಬೈಕ್​ ಸವಾರನ ಸೂಚನೆಗೆ ತಲೆಬಾಗಿದ ಕಾಡಾನೆ.. ಕಾಡಿನತ್ತ ಹೆಜ್ಜೆ ಹಾಕಿದ ಗಜರಾಜ

ಕಾಡಿನಿಂದ ರಸ್ತೆಗೆ ಬಂದ ಆನೆಯೊಂದಕ್ಕೆ ದ್ವಿಚಕ್ರ ವಾಹನ ಸವಾರ ರಸ್ತೆಯಲ್ಲಿ ನಿಲ್ಲಬೇಡ.. ಕಾಡಿಗೆ ಹಿಂತಿರುಗು ಎಂದು ಹೇಳುತ್ತಿರುವ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡಿಂಗ್ ಆಗಿದೆ. ದ್ವಿಚಕ್ರ ವಾಹನದಲ್ಲಿ ಬಂದ ಬೈಕ್​ ಸವಾರ, ಕೊಚ್ಚಿ-ದನುಷ್ಕೋಡಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾಹನ ಸವಾರರಿಗೆ ಅಪಾಯವನ್ನುಂಟುಮಾಡುತ್ತಿದ್ದ ಕಾಡಾನೆಯನ್ನು ಕೂಗಿ ಕೂಗಿ, ಕಾಡಿಗೆ ಹಿಮ್ಮೆಟ್ಟಿಸಿದ್ದಾರೆ. ಪ್ರಾರಂಭದಲ್ಲಿ ವಾಹನ ಸವಾರನೆಡೆಗೆ ಮುನ್ನುಗ್ಗಲು ಪ್ರಯತ್ನಿಸಿದರೂ ಕೊನೆಗೆ ಗುಡ್ಡ ಏರಿ ಆನೆ ಕಾಡಿಗೆ ತೆರಳಿದೆ. ಇನ್ನೋರ್ವ ದಾರಿಹೋಕರು ಈ ವಿಡಿಯೋವನ್ನು ಸೆರೆಹಿಡಿದಿದ್ದು, ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ.