ಕಾರವಾರ ನೌಕಾನೆಲೆಯಲ್ಲಿ ಟಗ್​ಗೆ ಬೆಂಕಿ: ಘಟನೆಯ ವಿಡಿಯೋ

ಕಾರವಾರ : ಐಎನ್‌ಎಸ್ ಕದಂಬ ನೌಕಾನೆಲೆಯ ಡಾಕ್ ಯಾರ್ಡ್​ಗೆ ಯುದ್ದ ಹಡಗುಗಳನ್ನು ಎಳೆದು ತರುವ ಟಗ್ ಬೋಟ್‌ಗೆ ಬೆಂಕಿ ತಗುಲಿ ಹಾನಿಯಾದ ಘಟನೆ ಗುರುವಾರ ನಡೆಯಿತು. ಅರಗಾದಲ್ಲಿರುವ ಯಾರ್ಡ್​ನಲ್ಲಿ ತೇಜ್ ಹೆಸರಿನ ಟಗ್ ಬೋಟ್‌ನ ಇಂಜಿನ್​ನಲ್ಲಿ ಬೆಂಕಿ ಕಾಣಿಸಿಕೊಂಡು ಕ್ಷಣಮಾತ್ರದಲ್ಲಿ ಬೋಟ್ ತುಂಬೆಲ್ಲ ಹೊಗೆ ಆವರಿಸಿಕೊಂಡಿತು. ತಕ್ಷಣ ನೌಕಾ ನೆಲೆ ಸಿಬ್ಬಂದಿ ಹಾಗೂ ಕಾರವಾರ ಅಗ್ನಿಶಾಮಕ ದಳದ ಸಿಬ್ಬಂದಿ ಸ್ಥಳಕ್ಕೆ ತೆರಳಿ ಬೆಂಕಿ ನಂದಿಸುವ ಕಾರ್ಯ ನಡೆಸಿದರು. 

ಇದನ್ನೂ ಓದಿ: ಚಾರ್ಜಿಂಗ್​ ಬಳಿಕ ಸ್ಟಾರ್ಟ್ ಮಾಡುತ್ತಿದ್ದಂತೆ ಹೊತ್ತಿ ಉರಿದ ಎಲೆಕ್ಟ್ರಿಕ್​​ ಬೈಕ್: ವಿಡಿಯೋ

ಲಕ್ಷಾಂತರ ಮೌಲ್ಯದ ವಸ್ತುಗಳಿಗೆ ಹಾನಿ : ಟಗ್ ಬೋಟ್ ಎಂಜಿನ್‌ನಲ್ಲಿ ಉಂಟಾದ ತಾಂತ್ರಿಕ ದೋಷದಿಂದಾಗಿ ಈ ರೀತಿ ಬೆಂಕಿ ಕಾಣಿಸಿಕೊಂಡಿರುವ ಶಂಕೆ ವ್ಯಕ್ತವಾಗಿದೆ. ಘಟನೆಯಲ್ಲಿ ಲಕ್ಷಾಂತರ ಮೌಲ್ಯದ ವಸ್ತುಗಳಿಗೆ ಹಾನಿಯಾಗಿರುವ ಬಗ್ಗೆ ನೌಕಾನೆಲೆ ಮೂಲಗಳು ತಿಳಿಸಿವೆ. ಬೃಹತ್ ನೌಕೆಗಳನ್ನು ಡಾಕ್ ಯಾರ್ಡ್​ಗೆ ಎಳೆದು ತರಲು ಟಗ್‌ಗಳು ಸಹಕಾರಿಯಾಗುತ್ತವೆ.

ಇದನ್ನೂ ಓದಿ: ವಿಜಯನಗರ: ಆಕಸ್ಮಿಕ ಬೆಂಕಿಗೆ ಹೊತ್ತಿ ಉರಿದ ಟ್ರಕ್; ಚಾಲಕ ಪಾರು