ಸುರತ್ಕಲ್​ನಲ್ಲಿ ಭಾರಿ ಬೆಂಕಿ ಅವಘಡ: ಲಕ್ಷಾಂತರ ರೂ ಮೌಲ್ಯದ ಸೊತ್ತು ನಾಶ

ಮಂಗಳೂರು (ದಕ್ಷಿಣ ಕನ್ನಡ): ನಗರದ ಸುರತ್ಕಲ್​ನ ಎನ್ಐಟಿಕೆಯಲ್ಲಿ ಮತ ಎಣಿಕೆಯ ಕಾವು ಇಳಿಯುತ್ತಿದ್ದಂತೆ ಭಾರಿ ಬೆಂಕಿ ಅವಘಡ ಸುರತ್ಕಲ್ ಫ್ಲೈಓವರ್ ಬಳಿಯ ಬಿಲ್ಡಿಂಗ್‌ ಒಂದರಲ್ಲಿ ಆಗಿದೆ. ಕರಾವಳಿ ಸ್ಪೋಟ್ಸ್ ಹಾಗೂ ಸ್ಟಾರ್ ಬೆಡ್ ಮಾರ್ಟ್ ಮಳಿಗೆಯಲ್ಲಿ ಏಕಾಏಕಿ ಬೆಂಕಿ ಕಾಣಿಸಿಕೊಂಡಿದೆ. ಈ ವೇಳೆ ಸ್ಪೋರ್ಟ್ಸ್ ಮಳಿಗೆ ಹಾಗೂ ಹಾಸಿಗೆ ಮಾರಾಟದ ಅಂಗಡಿಯಲ್ಲಿ ಬೆಂಕಿ ಧಗಧಗನೆ‌ ಹೊತ್ತಿ ಉರಿದು ಲಕ್ಷಾಂತರ ರೂ. ಸೊತ್ತುಗಳು ನಾಶವಾಗಿವೆ.

ಸ್ಥಳದಲ್ಲಿ ನಾಲ್ಕು ಅಗ್ನಿ ಶಾಮಕದಳ ಆಗಮಿಸಿ ಬೆಂಕಿ‌ ನಂದಿಸುವ ಕಾರ್ಯದಲ್ಲಿ ತೊಡಗಿದ್ದರೂ, ಬೆಂಕಿ ತಹಬದಿಗೆ ಬಾರದ ಕಾರಣ ಎಂಆರ್​ಪಿಎಲ್​ನ ಅಗ್ನಿ ಶಾಮಕ ದಳ‌ವೂ ಆಗಮಿಸಿ ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದೆ. ಎರಡೂ ಟ್ಯಾಂಕರ್ ಸ್ಥಳಕ್ಕೆ ದೌಡಾಯಿಸಿವೆ. ಅಗ್ನಿಶಾಮಕ ದಳ ನಿರಂತರವಾಗಿ ನೀರು ಹಾಯಿಸಿ ಬೆಂಕಿ ನಂದಿಸಲು ಪ್ರಯತ್ನಿಸಿದರೂ ಅಗ್ನಿಯ ಕೆನ್ನಾಲಿಗೆ  ಇನ್ನಷ್ಟು ಹೆಚ್ಚಾಗುತ್ತಿದೆ. ಅಲ್ಲದೇ ದಟ್ಟವಾದ ಹೊಗೆ ಕಾಣಲಾರಂಭಿಸಿದೆ. ಶಾರ್ಟ್ ಸರ್ಕ್ಯೂಟ್​ನಿಂದ ಬೆಂಕಿ  ಹೊತ್ತಿಕೊಂಡಿದೆ ಎಂದು ಅಂದಾಜಿಸಲಾಗಿದೆ. 

ಇದನ್ನೂ ಓದಿ: ಅಂದು 1 ಮತದ ಅಂತರದಿಂದ ಸೋತಿದ್ದ ARK ಗೆ 59 ಸಾವಿರ ಮತಗಳ ಗೆಲುವು: ಎನ್​ ಮಹೇಶ್​ಗೆ ಹೀನಾಯ ಸೋಲು