ಧಾರಾಕಾರ ಮಳೆಗೆ ಅಪಾಯದ ಮಟ್ಟ ತಲುಪಿದ ಡ್ಯಾಂ: ಮತ್ತೆ ಜಲಾವೃತಗೊಂಡ ಪಂಜಾಬ್​.. ಡ್ರೋನ್​ ವಿಡಿಯೋ

ಚಂಡೀಗಢ( ಪಂಜಾಬ್​): ನಿರಂತರವಾಗಿ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದಾಗಿ ಪಂಜಾಬ್​ನಲ್ಲಿ ಮತ್ತೊಮ್ಮೆ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಸಟ್ಲೆಜ್​ ನದಿಗೆ ಕಟ್ಟಿರುವ ದೇಶದ ಅತಿದೊಡ್ಡ ಅಣೆಕಟ್ಟು ಭಾಕ್ರಾ ಅಣೆಕಟ್ಟು ಹಾಗೂ ಬಿಯಾಸ್​ ನದಿಯ ಪಾಂಗ್​ ಅಣೆಕಟ್ಟು ಅಪಾಯದ ಮಟ್ಟ ತಲುಪಿದೆ. ಸುಮಾರು 35 ವರ್ಷಗಳ ಬಳಿಕ ಭಾಕ್ರಾ ಅಣೆಕಟ್ಟಿನ ಗೇಟ್​ಗಳನ್ನು 10 ಅಡಿಗಳಿಂತಲೂ ಹೆಚ್ಚು ತೆರೆಯಲಾಗಿದ್ದರೆ, ಪಾಂಗ್​ ಡ್ಯಾಂನಿಂದ ನಿರಂತರವಾಗಿ ನೀರನ್ನು ಹೊರಕ್ಕೆ ಹರಿ ಬಿಡಲಾಗುತ್ತಿದೆ. ಇದರಿಂದಾಗಿ ರಾಜ್ಯದ ಹಲವಾರು ಪ್ರದೇಶಗಳು ಜಲಾವೃತಗೊಂಡಿವೆ.

ಜಲಾವೃತಗೊಂಡಿರುವ ರೂಪ್​ ನಗರ ಜಿಲ್ಲೆಯ ಡ್ರೋನ್​ ವಿಡಿಯೋ ಬಿಡುಗಡೆಯಾಗಿದ್ದು, ಸೋಮವಾರ ಡ್ಯಾಂ ಗೇಟ್​ಗಳನ್ನು ತೆರೆದ ಬಳಿಕ ನೀರಿನ ಮಟ್ಟ ಕಡಿಮೆಯಾಗಿ ಗ್ರಾಮಗಳಲ್ಲಿ ನೀರಿನ ಮಟ್ಟ ಕಡಿಮೆಯಾಗಿದೆ. ಪ್ರವಾಹ ಪೀಡಿತ ಗ್ರಾಮಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿರುವ ಸಚಿವ ಹರ್ಜೋತ್​ ಬೈನ್ಸ್​, ಪರಿಸ್ಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲು ಎನ್​ಡಿಆರ್​ಎಫ್, ಸೇನೆ ಹಾಗೂ ವಾಯಪಡೆ ನಿಯೋಜಿಸಿದ್ದಾರೆ. ಸ್ವತಃ ತಾವೇ ಸ್ಥಳಗಳಿಗೆ ತೆರಳಿ ಅಪಾಯದ ಬಗ್ಗೆ ಎಚ್ಚರ ವಹಿಸುವಂತೆ ಜನರ ಬಳಿ ಮನವಿ ಮಾಡಿಕೊಂಡಿದ್ದಾರೆ. 

ಇದಲ್ಲದೆ ಪೊಲೀಸ್​, ಆರೋಗ್ಯ ಇಲಾಖೆ ಹಾಗೂ ಡಿಸಿ ಕಚೇರಿಯಲ್ಲಿ ಕಟ್ಟೆಚ್ಚರ ವಹಿಸಲಾಗಿದೆ. ಜನರ ರಕ್ಷಣೆಗಾಗಿ ಮಾರ್ಷಲ್​ ಅಕಾಡೆಮಿ ಮತ್ತು ಪಂಜಾಬ್​ ಸ್ಟೇಟ್​ ಪವರ್​ ಕಾರ್ಪೋರೇಷನ್​ ಮೈದಾನವನ್ನು ಹೆಲಿಪ್ಯಾಡ್​ ಆಗಿ ಒಳಸಲಾಗಿದೆ.

ಇದನ್ನೂ ನೋಡಿ: ಅಪಾಯದ ಮಟ್ಟ ಮೀರಿ ಹರಿದ ಗಂಗಾನದಿ.. ಋಷಿಕೇಶ ಶಿವನ ಪ್ರತಿಮೆ ಮುಳುಗುವ ಹಂತಕ್ಕೆ ತಲುಪಿದ ನೀರು