Cyclone Biparjoy : ಸಮುದ್ರದಲ್ಲಿ ಸಿಲುಕಿದ್ದ 50 ಮಂದಿಯನ್ನು ರಕ್ಷಿಸಿದ ಭಾರತೀಯ ಕೋಸ್ಟ್​ ಗಾರ್ಡ್​- ವಿಡಿಯೋ

ದ್ವಾರಕಾ( ಗುಜರಾತ್​): ಗುಜರಾತ್​ನಲ್ಲಿ ಬಿಪರ್​ಜೋಯ್​ ಚಂಡಮಾರುತದ ಭೀತಿ ಮುಂದುವರೆದಿದೆ. ಗುಜರಾತ್​​ನ ಕಚ್​​ ಜಿಲ್ಲೆಗೆ ಚಂಡ ಮಾರುತ ಅಪ್ಪಳಿಸಲಿದೆ ಎಂದು ಈಗಾಗಲೇ ಭಾರತೀಯ ಹವಾಮಾನ ಇಲಾಖೆ ಮನ್ಸೂಚನೆ ನೀಡಿದೆ. ಚಂಡಮಾರುತದಿಂದ ಭಾರೀ ಹಾನಿ ಸಂಭವಿಸುವ ಸಾಧ್ಯತೆ ಇದೆ ಎಂದು ಇಲಾಖೆ ಮಾಹಿತಿ ನೀಡಿದೆ. ಈ ಸಂಬಂಧ ರಾಜ್ಯದ ಮೂರು ಜಿಲ್ಲೆಗಳಲ್ಲಿ ರೆಡ್​ ಅಲರ್ಟ್​ ಘೋಷಣೆ ಮಾಡಲಾಗಿದೆ. ಚಂಡಮಾರುತದ ಪರಿಣಾಮದಿಂದಾಗಿ ರಾಜ್ಯದ ಹಲವೆಡೆ ಭಾರೀ ಮಳೆಯಾಗುತ್ತಿದೆ.

ದ್ವಾರಕಾ ಸಮುದ್ರದ ತೈಲ ರಿಂಗ್​ನಲ್ಲಿ ಕೆಲಸ ಮಾಡುತ್ತಿದ್ದ 50 ಜನರನ್ನು ಭಾರತೀಯ ಕೋಸ್ಟ್​ ಗಾರ್ಡ್​ ರಕ್ಷಣೆ ಮಾಡಿದೆ. ಗುಜರಾತ್​ನ ಓಖಾ ಶಿಪ್​ ಶೋರ್​​ ಮತ್ತು ಜ್ಯಾಕ್ ಅಪ್ ರಿಂಗ್ 'ಕೀ ಸಿಂಗಾಪುರ'ನಲ್ಲಿ ಸಿಲುಕಿದ್ದ ಒಟ್ಟು 50 ಮಂದಿಯನ್ನು ಸುರಕ್ಷಿತವಾಗಿ ರಕ್ಷಣೆ ಮಾಡಲಾಗಿದೆ. ಪ್ರತಿಕೂಲ ವಾತಾವರಣವನ್ನು ಲೆಕ್ಕಿಸದೇ ಕೋಸ್ಟ್​ ಗಾರ್ಡ್​ ಕಾರ್ಯಾಚರಣೆ ಕೈಗೊಂಡಿತ್ತು. ಜೂನ್​ 12ರಂದು ಒಟ್ಟು 26 ಜನರನ್ನು ಕೋಸ್ಟ್​ ಗಾರ್ಡ್​ ರಕ್ಷಣೆ ಮಾಡಿತ್ತು. ಇಂದು 24 ಮಂದಿಯನ್ನು ರಕ್ಷಣೆ ಮಾಡಲಾಗಿದೆ. ಕಳೆದೆರಡು ದಿನಗಳ ಹಿಂದೆ ಖಾಸಗಿ ಕಂಪನಿಯ ತೈಲ ರಿಂಗ್​ನಲ್ಲಿ ಸಿಲುಕಿದ್ದ 11 ಜನರನ್ನು ಭಾರತೀಯ ಕೋಸ್ಟ್​ ಗಾರ್ಡ್​ ರಕ್ಷಣೆ ಮಾಡಿತ್ತು.

ಇದನ್ನೂ ಓದಿ : ಬೆಂಗಳೂರಿನಲ್ಲಿ ನೀರು ಮಿಶ್ರಿತ ಡೀಸೆಲ್ ಹಾಕಿ ಬಂಕ್ ಸಿಬ್ಬಂದಿಯಿಂದ ಯಡವಟ್ಟು: ಕೆಟ್ಟು ನಿಂತ ವಾಹನಗಳು!