ಬೇಕಾ ಫೋನ್‌ ನಂಬರ್? ಕಿರುಕುಳ ನೀಡಿದ ಹುಡುಗನಿಗೆ ಬಿತ್ತು ಧರ್ಮದೇಟು- ವಿಡಿಯೋ

ಫರೂಕಾಬಾದ್ (ಉತ್ತರ ಪ್ರದೇಶ) : ಕೋಚಿಂಗ್ ಮುಗಿಸಿ ಮನೆಗೆ ಹಿಂತಿರುಗುತ್ತಿದ್ದ ವಿದ್ಯಾರ್ಥಿನಿಯರನ್ನು ಅಡ್ಡಗಟ್ಟಿ ಮೊಬೈಲ್​ ನಂಬರ್​ ಕೇಳಿದ ಹುಡುಗನಿಗೆ ವಿದ್ಯಾರ್ಥಿನಿಯರು ಥಳಿಸಿದ ಘಟನೆ ಫರೂಕಾಬಾದ್​ನಲ್ಲಿ ನಡೆದಿದೆ. ಕೊತ್ವಾಲಿ ಪ್ರದೇಶದ ರೈಲ್ವೆ ರಸ್ತೆಯ ಮೊಹಲ್ಲಾ ಸಿಂಧಿ ಕಾಲೋನಿಯಲ್ಲಿ ಹುಡುಗನೊಬ್ಬ ವಿದ್ಯಾರ್ಥಿನಿಯರನ್ನು ಹಿಂಬಾಲಿಸಿ, ಅಡ್ಡಗಟ್ಟಿ ಮೊಬೈಲ್ ನಂಬರ್ ಕೇಳಿದ್ದಾನೆ. ಇದರಿಂದ ಕೋಪಗೊಂಡ ಇಬ್ಬರು ವಿದ್ಯಾರ್ಥಿನಿಯರು ಆತನನ್ನು ಹಿಡಿದು ಧರ್ಮದೇಟು ನೀಡಿದ್ದಾರೆ. ಘಟನೆಯ ದೃಶ್ಯ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಇದನ್ನೂ ಓದಿ :  ತೋಟದ ಮನೆಗೆ ನುಗ್ಗಿದ್ದ ಚಿರತೆಯನ್ನು ಕೂಡಿಹಾಕಿದ ಗ್ರಾಮಸ್ಥರು