ರಸ್ತೆಯಲ್ಲಿ ವಾಗ್ವಾದ: ಯುವಕನನ್ನು ಗುದ್ದಿಕೊಂಡೇ ಕಾರ್ ಚಲಾಯಿಸಿದ ಕಿರಾತಕರು

ಚಂಡೀಗಢ: ಅಪರಾಧ ಪ್ರಕರಣಗಳು ನಗರದಲ್ಲಿ ನಿರಂತರವಾಗಿ ಹೆಚ್ಚುತ್ತಿವೆ. ಸೆಕ್ಟರ್ 22 ರಲ್ಲಿ ತಡರಾತ್ರಿ ಅನಾಹುತ ಘಟನೆ ಜರುಗಿದೆ. ಕಾರಿನಲ್ಲಿ ಹೋಗುತ್ತಿದ್ದ ಯುವಕರು ರಸ್ತೆ ಬದಿ ನಿಂತಿದ್ದ ಯುವಕನೊಂದಿಗೆ ವಾಗ್ವಾದಕ್ಕಿಳಿದಿದ್ದಾರೆ. ಆ ವೇಳೆ ಕಾರಿನ ಮುಂಭಾಗ ಇದ್ದ ಯುವಕನನ್ನು ಗುದ್ದಿಕೊಂಡೇ ಕಾರ್​ ಚಲಾಯಿಸಿದ್ದಾರೆ. ಸ್ಥಳದಲ್ಲಿದ್ದ ಕೆಲವರು ರಕ್ಷಣೆಗೆ ಮುಂದಾದರೂ ಸಹ ಕಾರು ವೇಗವಾಗಿ ಚಲಿಸುತ್ತಿದ್ದ ಕಾರಣ ಸಾಧ್ಯವಾಗಿಲ್ಲ. ಯುವಕನ ತಲೆಗೆ ಗಾಯವಾಗಿದ್ದು, ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಹಾಗೆ ಘಟನೆ ಸಂಬಂಧ ಆರೋಪಿಗಳನ್ನು ಬಂಧಿಸಿದ್ದು ಕಾರ್​ ವಶಕ್ಕೆ ಪಡೆಯಲಾಗಿದೆ.