ಮೆಡಿಕಲ್​ ಸ್ಟೋರ್​ ಮೇಲೆ ಅಪರಿಚಿತನಿಂದ ಗುಂಡಿನ ದಾಳಿ.. ಪ್ರಕರಣ ದಾಖಲಿಸದ ಮಾಲೀಕ!

ಪಂಜಾಬ್​ನ ಫಿರೋಜ್‌ಪುರ ಜಿರಾ ಬಸ್‌ ನಿಲ್ದಾಣದ ಬಳಿ ಆಘಾತಕಾರಿ ಘಟನೆ ನಡೆದಿರುವುದು ಬೆಳಕಿಗೆ ಬಂದಿದೆ. ಬಸ್​ ಸ್ಟ್ಯಾಂಡ್​ ಮುಂಭಾಗದಲ್ಲಿರುವ ಕೃಷ್ಣಾ ಮೆಡಿಕಲ್‌ ಸ್ಟೋರ್‌ ಬಳಿ ಅಪರಿಚಿತರು ಮನಬಂದಂತೆ ಗುಂಡಿನ ದಾಳಿ ನಡೆಸಿ ಪರಾರಿಯಾಗಿದ್ದಾರೆ. ಈ ಘಟನೆಯಲ್ಲಿ ಯಾರಿಗೂ ಅಪಾಯವಾಗಿಲ್ಲ. ಅಚ್ಚರಿಯ ಸಂಗತಿಯೆಂದರೆ ಈ ಅಂಗಡಿಯವರು ಯಾವುದೇ ಎಫ್‌ಐಆರ್ ದಾಖಲಿಸಿಲ್ಲ, ಪೊಲೀಸರಿಗೆ ದೂರು ಸಹ ನೀಡಿಲ್ಲ. ಆದರೆ ಪೊಲೀಸರೇ ಈ ಘಟನೆ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ. ಈ ಕೃತ್ಯದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಮಾಧ್ಯಮಕ್ಕೆ ಲಭ್ಯವಾಗಿದೆ.