ಏರ್​ ಬೇಸ್​ ಬಳಿ ತಾಲಿಬಾನ್​ ಉಗ್ರರ ಅಟ್ಟಹಾಸ... ಬಾಂಬ್​ ದಾಳಿಯಲ್ಲಿ ನಾಲ್ಕು ಅಮೆರಿಕ ಯೋಧರು ಹುತಾತ್ಮ!

ತಾಲಿಬಾನ್​ ನಡೆಸಿರುವ ದಾಳಿಯಲ್ಲಿ ಅಫ್ಘಾನಿಸ್ತಾನದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಅಮೆರಿಕದ ನಾಲ್ವರು ಯೋಧರು ಹುತಾತ್ಮರಾಗಿದ್ದಾರೆ. ಕಾಬೂಲ್​ನ ಬಗ್ರಾಮ್​ ಏರ್​ ಬೇಸ್​ ರಸ್ತೆ ಬಳಿ ತಾಲಿಬಾನ್​ ಉಗ್ರರು ಬಾಂಬ್​ ದಾಳಿ ನಡೆಸಿದ್ದರು. ಈ ದಾಳಿಯಲ್ಲಿ ನಾಗರಿಕರ ಕಾರ್​ವೊಂದು ನಜ್ಜುಗುಜ್ಜಾಗಿದೆ. ಮೂವರಿಗೆ ಗಾಯಗಳಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.