ನಿಷೇಧಿತ ತೆಹ್ರಿ ಅಣೆಕಟ್ಟಿನ ವ್ಯೂವ್​ ಪಾಯಿಂಟ್​ಗೆ ತೆರಳಿ ಚಿತ್ರೀಕರಣ ಮಾಡಿದ ಅಪರಿಚಿತರು! ವಿಡಿಯೋ!

ತೆಹ್ರಿ(ಉತ್ತರಾಖಂಡ): ತೆಹ್ರಿ ಅಣೆಕಟ್ಟೆಯ ಬಳಿ ತೆರಳಲು ಜನರಿಗೆ ನಿಷೇಧ ಹೇರಲಾಗಿದ್ದು, ಅಲ್ಲದೇ ಫೋಟೋ ತೆಗೆಯುವುದು ಮತ್ತು ವಿಡಿಯೋ ಚಿತ್ರಿಕರಿಸುವುದನ್ನೂ ನಿಷೇಧಿಸಲಾಗಿದೆ. ಆದರೇ ಇಬ್ಬರು ಅಪರಿಚಿತ ವ್ಯಕ್ತಿಗಳು ಶುಕ್ರವಾರ ಅಣೆಕಟ್ಟೆಯ ವ್ಯೂವ್​​ ಪಾಯಿಂಟ್​ಗೆ ತೆರಳಿ ಅನುಮಾನಾಸ್ಪದ ರೀತಿಯಲ್ಲಿ ಮೊಬೈಲ್​ನಲ್ಲಿ ಫೋಟೋ ಮತ್ತು ವಿಡಿಯೋಗಳನ್ನು ಚಿತ್ರೀಕರಿಸಿದ್ದಾರೆ. ಅಲ್ಲದೇ ತೆಗೆದಿರುವ ಫೋಟೋ ಮತ್ತು ವಿಡಿಯೋಗಳನ್ನು ವಾಟ್ಸ್​ಆ್ಯಪ್​ ಮೂಲಕ ಬೇರೊಬ್ಬರ ಜೊತೆ ಹಂಚಿಕೊಂಡಿದ್ದಾರೆ. ಯಾರೊಂದಿಗೆ ಮಾಹಿತಿ ಹಂಚಿಕೊಂಡಿದ್ದಾರೆ ಎಂಬ ಅನುಮಾನಗಳು ಕಾಡತೊಡಗಿದ್ದು, ಅಲ್ಲಿಯ ಅಧಿಕಾರಿಗಳ ವಿರುದ್ಧ ಭದ್ರತ ಲೋಪ ಆರೋಪಗಳು ಕೇಳಿ ಬಂದಿವೆ. ಇನ್ನು ಪೊಲೀಸರು ಅಪರಿಚಿತರಿಗಾಗಿ ಹುಡುಕಾಟ ನಡೆಸಿದ್ದಾರೆ.