ಪ್ರಕಾಶ್ ರೈ 'ಅಪ್ಪು ಆ್ಯಂಬುಲೆನ್ಸ್ ಸೇವೆ'ಗೆ ಯಶ್ ಸಾಥ್

ಗಂಧದ ಗುಡಿ ಪ್ರೀ ರಿಲೀಸ್​ ಈವೆಂಟ್ ಶುಕ್ರವಾರ ಸಂಜೆ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಅದ್ಧೂರಿಯಾಗಿ ನಡೆಯಿತು. ವೇದಿಕೆಯಲ್ಲಿ ಅಪ್ಪು ಮತ್ತು ಗಂಧದ ಗುಡಿ ಬಗ್ಗೆ ಮಾತನಾಡಿದ ರಾಕಿಂಗ್​ ಸ್ಟಾರ್​ ಯಶ್, ಅಪ್ಪು ಹೆಸರಿನ ಆ್ಯಂಬುಲೆನ್ಸ್ ರಾಜ್ಯದಲ್ಲಿ ಓಡಾಡಬೇಕು ಎಂಬ ಬಹುಭಾಷಾ ನಟ ಪ್ರಕಾಶ್ ರೈ ಸೇವೆಗೆ ಕೈ ಜೋಡಿಸುವುದಾಗಿ ಹೇಳಿದರು. ನನ್ನ ಯಶೋಮಾರ್ಗ ಮತ್ತು ಕೆವಿಎನ್​ ಫೌಂಡೇಶನ್​ ಸೇರಿ ಮಿಕ್ಕ ಆ್ಯಂಬುಲೆನ್ಸ್​ಗಳನ್ನು ಪೂರೈಸುವ ಕೆಲಸ ಮಾಡುತ್ತೇವೆ. ತಕ್ಷಣವೇ ಆ ಆ್ಯಂಬುಲೆನ್ಸ್​ ಕನಸು ನನಸಾಗಬೇಕು. ಬಾಕಿ 25 ಜಿಲ್ಲೆಗಳಿಗೆ ಆ್ಯಂಬುಲೆನ್ಸ್ ಆಗಬೇಕಾ, ಅಪ್ಪು ಒಂದು ಶಕ್ತಿ, ಅವರೇ ಆ 25 ಜಿಲ್ಲೆಗಳಿಗೂ ಆ್ಯಂಬುಲೆನ್ಸ್​ ಮಾಡಿಸಿಕೊಳ್ಳುತ್ತಾರೆ ಎಂದು ನಟ ಯಶ್ ತಿಳಿಸಿದರು.