ದೇಶಾದ್ಯಂತ ಜವಾನ್​ ಸದ್ದು: ಚಿತ್ರಮಂದಿರಗಳತ್ತ ಪ್ರೇಕ್ಷಕರ ಸಂಭ್ರಮಾಚರಣೆ - ಹುಚ್ಚೆದ್ದು ಕುಣಿದ ಫ್ಯಾನ್ಸ್!

ಬಾಲಿವುಡ್​ ಸೂಪರ್​ ಸ್ಟಾರ್ ಶಾರುಖ್​ ಖಾನ್​ ಅವರ ಜವಾನ್​ ಸಿನಿಮಾ ಇಂದು ದೇಶ ಮಾತ್ರವಲ್ಲದೇ ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ತೆರೆಕಂಡಿದೆ. ಚಿತ್ರಮಂದಿರಗಳತ್ತ ನಿರೀಕ್ಷೆಗೂ ಮೀರಿದ ಸಂಖ್ಯೆಯಲ್ಲಿ ಅಭಿಮಾನಿಗಳು ಬಂದು ಸೇರಿದ್ದಾರೆ. ಇಂದು ಮುಂಜಾನೆಯೇ ಸಿನಿಮಾ ಪ್ರದರ್ಶನ ಪ್ರಾರಂಭಿಸಿದೆ. ಪ್ರತೀ ಶೋಗಳೂ ಕೂಡ ಹೌಸ್​ ಫುಲ್​. 

ಶ್ರೀನಗರದಿಂದ ಹಿಡಿದು ಚೆನ್ನೈವರೆಗಿನ ಚಿತ್ರಮಂದಿಗಳ ಎದುರು ಪಟಾಕಿ ಸಿಡಿಸಿ, ಶಾರುಖ್​ ಕೌಟ್​ಟ್​ಗೆ ಹಾರ ಹಾಕಿ, ಡೋಲು ಸದ್ದಿಗೆ ಸಖತ್​ ಸ್ಟೆಪ್​ ಹಾಕಿ ಅಭಿಮಾನಿಗಳು ಸಂಭ್ರಮಿಸಿದ್ದಾರೆ. ಥಿಯೇಟರ್ ಒಳಗೆ ಶಿಳ್ಳೆ, ಚಪ್ಪಾಳೆಗಳು ಜೋರಾಗಿದ್ದವು. ಮುಂಬೈ, ಜೈಪುರ, ಜಮ್ಮು, ಕೋಲ್ಕತ್ತಾದಂತಹ ಸಿಟಿಗಳಲ್ಲಿನ ಥಿಯೇಟರ್​ ದೃಶ್ಯಗಳು ಸೂಪರ್​ ಸ್ಟಾರ್ ಶಾರುಖ್​ ಖಾನ್​ ಅವರ ಸ್ಟಾರ್ ಡಮ್​ ಅನ್ನು ಪ್ರದರ್ಶಿಸಿತು. ಈಗಾಗಲೇ ಸಿನಿಮಾ ನೋಡಿರುವ ವೀಕ್ಷಕರು ಚಿತ್ರದ ಕುರಿತು, ಶಾರುಖ್​ ನಟನೆ ಮತ್ತು ಅವತಾರಗಳ ಕುರಿತು ಮೆಚ್ಚುಗೆಯ ಮಳೆ ಸುರಿಸಿದ್ದಾರೆ. ಸದ್ಯದ ಪ್ರತಿಕ್ರಿಯೆ ಗಮನಿಸಿದ್ರೆ ಜವಾನ್​ ಸಿನಿಮಾ ಪಠಾಣ್​ ದಾಖಲೆ ಮುರಿಯುವಂತೆ ತೋರುತ್ತಿದೆ.

ಇದನ್ನೂ ಓದಿ: Jawan celebration: ಚಲೇಯಾ ಹಾಡು ಪ್ರದರ್ಶನವಾಗುತ್ತಿದ್ದಂತೆ ಚಿತ್ರಮಂದಿರದಲ್ಲಿ ಗೆಳತಿಗೆ ಪ್ರಪೋಸ್​ - ವಿಡಿಯೋ ನೋಡಿ!

ಎಸ್​ಆರ್​ಕೆ ಮಾಲೀಕತ್ವದ ರೆಡ್​ ಚಿಲ್ಲೀಸ್​ ಎಂಟರ್​ಟೈನ್​ಮೆಂಟ್ ನಿರ್ಮಿಸಿರುವ ಜವಾನ್​ ಸಿನಿಮಾಗೆ ದಕ್ಷಿಣದ ನಿರ್ದೇಶಕ ಅಟ್ಲೀ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. ವಿಜಯ್​ ಸೇತುಪತಿ, ನಯನತಾರಾ, ಪ್ರಿಯಾಮಣಿ ಸೇರಿದಂತೆ ಹಲವರು ನಟಿಸಿದ್ದಾರೆ..