ಅಭಿಮಾನಿಗಳಿಂದ ಮಾರ್ಧನಿಸಿತು ಅಪ್ಪು ಅಪ್ಪು ಎಂಬ ಘೋಷಣೆ..

ಇಂದು ಬೆಂಗಳೂರಿನ ನರ್ತಕಿ ಚಿತ್ರಮಂದಿರದಲ್ಲಿ ದಿವಗಂತ ನಟ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದ ಗಂಧದ ಗುಡಿ ಟ್ರೈಲರ್ ಬಿಡುಗಡೆ ಆಗಿದೆ. ಟ್ರೈಲರ್​​ನಲ್ಲಿ ಪ್ರಕೃತಿ ಸೌಂದರ್ಯ, ಜಲ ಜೀವ ರಾಶಿ, ಕಾನನದೊಳಗೆ ಅಪ್ಪು ಪಯಣವನ್ನು ಅದ್ಭುತವಾಗಿ ತೋರಿಸಲಾಗಿದ್ದು, ಅಭಿಮಾನಿಗಳ ಸಂತಸ ಮಾತಿನಲ್ಲಿ ವರ್ಣಿಸಲಾಗದಂತಿದೆ. ಈ ವೇಳೆ ಅಭಿಮಾನಿಗಳಿಂದ ಮಾರ್ಧನಿಸಿದ ಅಪ್ಪು ಅಪ್ಪು ಎಂಬ ಘೋಷಣೆ ರಾಜ್​ ಕುಟುಂಬಸ್ಥರಲ್ಲಿ ಸಂತಸ ಮೂಡಿಸಿದರೆ, ಅಶ್ವಿನಿ ಪುನೀತ್ ರಾಜಕುಮಾರ್​ ಅವರು ಕುಳಿತದಲ್ಲೇ ಭಾವುಕರಾದರು. ಅವರ ಕಣ್ಣಾಲೆಗಳು ತುಂಬಿ ಬಂದವು..