ಕೊರೊನಾ ವಾರಿಯರ್ಸ್​ಗೆ ಪ.ಬಂಗಾಳ ಸರ್ಕಾರ ಗೌರವ... ಜುಲೈ 1ರಂದು ಸರ್ಕಾರಿ ರಜೆ ಘೋಷಣೆ!

ಕೋಲ್ಕತ್ತಾ: ಮಹಾಮಾರಿ ಕೊರೊನಾ ವಿರುದ್ಧ ವಾರಿಯರ್ಸ್​ ಆಗಿ ಹೋರಾಡುತ್ತಿರುವ ವೈದ್ಯರು, ನರ್ಸ್​ ಹಾಗೂ ಇತರೆ ಸಿಬ್ಬಂದಿಗೆ ಗೌರವ ನೀಡಲು ಪಶ್ಚಿಮ ಬಂಗಾಳ ಸರ್ಕಾರ ನಿರ್ಧರಿಸಿದೆ. ಅವರಿಗೆ ಗೌರವ ನೀಡುವ ಉದ್ದೇಶದಿಂದ ಜುಲೈ 1ರಂದು ಸರ್ಕಾರಿ ರಜೆ ಘೋಷಣೆ ಮಾಡಿ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಆದೇಶ ಹೊರಡಿಸಿದ್ದಾರೆ. ಇದೇ ವೇಳೆ ಕೇಂದ್ರದ ಬಳಿ ಮನವಿ ಮಾಡಿಕೊಂಡಿದ್ದು, ಈ ದಿನದಂದು ರಾಷ್ಟ್ರೀಯ ರಜೆ ನೀಡುವಂತೆ ಕೋರಿದ್ದಾರೆ. ವಿಶೇಷವೆಂದರೆ 1 ಜುಲೈ ರಾಷ್ಟ್ರೀಯ ವೈದ್ಯರ ದಿನವಾಗಿದೆ.