ರಾಮನಗರ(ಉತ್ತರಾಖಂಡ್): 'ನಗು' ಎಂಬುದು ಎಲ್ಲಾ ಸಮಸ್ಯೆಗೂ ರಾಮಬಾಣವಂತೆ. ಪ್ರಕೃತಿದತ್ತವಾದ ಈ ನಗು ಕೇವಲ ಮನುಷ್ಯರಿಗೆ ಮಾತ್ರ ಒಲಿದ ವರವಲ್ಲ ಎಂಬುದನ್ನು ಉತ್ತರಾಖಂಡದ ಮರ ಕೂಡಾ ಸಾಬೀತುಪಡಿಸಿದೆ. ಮುಟ್ಟಿದ್ರೆ ಮುನಿ ಸಸ್ಯದಂತೆ ಈ ಮರಕ್ಕೆ ನಯವಾಗಿ ಕಚಗುಳಿ ಇಟ್ಟರೆ ಎಲೆಗಳು ಹಸನ್ಮುಖಿಯಾಗಿ ಕಂಗೊಳಿಸುವುದಲ್ಲದೇ, ಎಲೆಗಳು ನಿಧಾನವಾಗಿ ಅಲುಗಾಡಿ, ಕೊಂಬೆ ನಗುವಿನಲ್ಲಿ ನಡುಗುವ ಅನುಭವವಾಗುತ್ತದೆ. ಇದೇ ಕಾರಣಕ್ಕೆ ಈ ಮರಕ್ಕೆ 'ನಗುವ ಮರ' ಎಂದು ಹೆಸರಿಡಲಾಗಿದೆ.
ರಾಮನಗರದ ಅರಣ್ಯದಲ್ಲಿ ಈ ಮರವನ್ನು ನೀವು ಕಾಣಬಹುದು. ರಾಂಡಿಯಾ ಡುಮಿಟೋರಮ್ ಎಂಬ ಜಾತಿಯ ಈ ಮರಕ್ಕೆ 'ಲಾಫಿಂಗ್ ಟ್ರಿ' ಎಂಬ ಹೆಸರಿದೆ. ಅಷ್ಟು ಮಾತ್ರವಲ್ಲ, ಔಷಧೀಯ ಗುಣವನ್ನೂ ಹೊಂದಿದ್ದು, ಪರಿಸರದಲ್ಲಿನ ಅಶುದ್ಧ ಗಾಳಿಯನ್ನು ಶುದ್ಧೀಕರಿಸುತ್ತದಂತೆ. ಮರಗಳ ಎಲೆ, ಕೊಂಬೆ ಮತ್ತು ತೊಗಟೆಗಳನ್ನು ಔಷಧ ತಯಾರಿಕೆಯಲ್ಲಿ ಬಳಸಲಾಗುತ್ತದೆ.
ಸ್ಥಳೀಯ ಭಾಷೆಯಲ್ಲಿ 'ಥಾನೈಲ್' ಎಂದೂ ಕರೆಯಲ್ಪಡುವ ಈ ಮರಗಳನ್ನು ನೈನಿತಾಲ್‌ನ ಛೋಟಿ ಹಲ್ದ್ವಾನಿ ಮತ್ತು ಕಾರ್ಬೆಟ್ ನಗರದಲ್ಲಿ ಹೆಚ್ಚಾಗಿ ಕಾಣಬಹುದು. ಇವು ಸುಮಾರು 300ರಿಂದ 1,300 ಮೀಟರ್ ಎತ್ತರ ಬೆಳೆಯುತ್ತದೆ.
ಜೀವವೈವಿಧ್ಯತೆಯ ತಾಣವಾಗಿ ರಾಮನಗರ ಖ್ಯಾತಿ ಗಳಿಸಿದೆ. ಇಲ್ಲಿನ ದಟ್ಟಾರಣ್ಯದಲ್ಲಿ ಎಲ್ಲಾ ರೀತಿಯ ಮರಗಿಡಗಳನ್ನು ಕಾಣಬಹುದು. ಈ ಪೈಕಿ ನಗುವ ಮರ ಎಲ್ಲರ ಗಮನ ಸೆಳೆಯುತ್ತಿದೆ. ಪ್ರಾಣಿಗಳ ಕೆಚ್ಚಲಿನಲ್ಲಿ ಗುಳ್ಳೆಯಾದಾಗ ಅಥವಾ ಇನ್ನಿತರ ಸಮಸ್ಯೆ ಕಾಣಿಸಿಕೊಂಡಾಗ ಈ ಮರದ ತೊಗಟೆಯನ್ನು ಪೇಸ್ಟ್ ರೂಪದಲ್ಲಿ ಹಚ್ಚುವುದರಿಂದ ಉಪಶಮನವಾಗುತ್ತದೆ ಎಂದು ಹೇಳಲಾಗುತ್ತಿದೆ.
"ಪ್ರವಾಸಿಗರನ್ನು ನಾವು ಈ ಮರದ ಬಳಿ ಕರೆತಂದು ವೈಶಿಷ್ಟ್ಯವನ್ನು ತಿಳಿಸಿದಾಗ ಅವರು ಚಕಿತರಾಗುತ್ತಾರೆ. ಇದರ ಕೊಂಬೆಗಳು ನಗುವಿನಿಂದ ನಡುಗುವುದರಿಂದ ಶಿವರಿಂಗ್ ಟ್ರೀ ಎಂದೂ ಕೂಡ ಕರೆಲಾಗುವುದು" ಎಂದು ಸ್ಥಳೀಯ ಗೈಡ್ ಮೋಹನ್ ಪಾಂಡೆ ತಿಳಿಸಿದರು.
ರಾಮನಗರ್ ಕಾಲೇಜಿನ ಸಸ್ಯಶಾಸ್ತ್ರ ಪ್ರೊಫೆಸರ್ ಎಸ್.ಎಸ್.ಮೌರ್ಯ ಮಾತನಾಡಿ, "ಪೊದೆಯಂತಿರುವ ಮರವು ಇಲ್ಲಿನ ಅನೇಕ ಕಾಡುಗಳಲ್ಲಿ ಕಂಡುಬರುತ್ತಿದೆ. ಅಸ್ತಮಾ, ನೆಗಡಿ ಮತ್ತು ಸುಟ್ಟಗಾಯಗಳಂತಹ ಅನೇಕ ರೋಗಗಳನ್ನು ಗುಣಪಡಿಸಲು ಇದನ್ನು ಬಳಸಲಾಗುತ್ತದೆ. ದಕ್ಷಿಣ ಭಾರತ ಮತ್ತು ಮಹಾರಾಷ್ಟ್ರದಲ್ಲೂ ಈ ಮರಗಳು ಕಂಡುಬರುತ್ತದೆ. ಉಷ್ಣವಲಯದ ಮತ್ತು ನಾಸ್ಟಿಕ್ ಚಲನೆಗಳಿಂದಾಗಿ ಅವು ಬಾಹ್ಯ ಪ್ರಚೋದಕದಂತೆ ಪ್ರತಿಕ್ರಿಯಿಸುತ್ತದೆ" ಎಂದು ಹೇಳಿದರು.
ರಾಮನಗರ ಅರಣ್ಯ ವಿಭಾಗದ ಡಿಎಫ್‌ಒ ದಿಗಂತ್ ನಾಯಕ್ ಮಾತನಾಡಿ, "ರಾಮನಗರದ ಕಲಾಧುಂಗಿ ಮತ್ತು ಫಾಟೊ ಶ್ರೇಣಿಯಲ್ಲೂ ಈ ಮರಗಳಿವೆ. ಆಗ್ನೇಯ ದೇಶಗಳು ಇದರ ಆವಾಸಸ್ಥಾನ. ಡಿಸೆಂಬರ್, ಜನವರಿ ತಿಂಗಳಲ್ಲಿ ಹಣ್ಣು ಬಿಡುತ್ತದೆ. ಮೆನ್ಫಾಲ್, ರಾಧಾ ಮತ್ತು ಮದನ್ಫಾಲ್ ಎಂಬ ಹೆಸರಿನಿಂದಲೂ ಇವುಗಳನ್ನು ಗುರುತಿಸಲಾಗುವುದು" ಎಂದರು.
ಇದನ್ನೂ ಓದಿ: ಸಿಂಧೂ ನಾಗರಿಕತೆಯ ಸ್ಥಳ ಲೋಥಾಲ್‌ನಲ್ಲಿ ಸಂಶೋಧನೆ: ಹಠಾತ್ ಮಣ್ಣು ಕುಸಿದು IIT ದೆಹಲಿಯ ಪಿಹೆಚ್‌ಡಿ ವಿದ್ಯಾರ್ಥಿನಿ ಸಾವು
