'ಹೆಲ್ಮೆಟ್​' ಹಾಕಿ ಬೈಕ್​ ಹಿಂಬದಿ ಕುಳಿತು ನಾಯಿಯ ಜಾಲಿ ರೈಡ್​, ವಿಡಿಯೋ ವೈರಲ್​!

ಚೆನ್ನೈ: ಹೆಲ್ಮೆಟ್​ ಹಾಕಿಕೊಂಡು ಬೈಕ್​ ಹಿಂಬದಿಯಲ್ಲಿ ಕೂತು, ನಾಯಿಯೊಂದು ತನ್ನ ಒಡೆಯನ ಜೊತೆಗೆ ಬೈಕ್​ ಸವಾರಿ ನಡೆಸಿರುವ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಟ್ವಿಟರ್​ ಬಳಕೆದಾರನೊಬ್ಬ ಈ ವಿಡಿಯೋವನ್ನು, 'ರಸ್ತೆ ಸುರಕ್ಷತೆಗೆ ತಮಿಳುನಾಡಿನಲ್ಲಿ ಹೆಲ್ಮೆಟ್​ ಹಾಕಿದ ನಾಯಿ. ಒಡೆಯನ ಕಾಳಜಿ ನಿಜಕ್ಕೂ ಮೆಚ್ಚುವಂತದ್ದೇ' ಎಂಬ ಅಡಿಬರಹದೊಂದಿಗೆ ಪೋಸ್ಟ್​ ಮಾಡಿದ್ದಾರೆ. ಇದನ್ನು ಕೆಲ ನೆಟ್ಟಿಗರು ಪ್ರಶಂಶಿಸಿದ್ರೆ, ಇನ್ನು ಕೆಲವರು ನಾಯಿಯ ಜೊತೆಗೆ ಈ ರೀತಿ ಬೈಕ್​ ಬ್ಯಾಲೆನ್ಸ್​ ಮಾಡೋದಾ? ಎಂದು ಪ್ರಶ್ನಿಸಿದ್ದಾರೆ.  ವಿಡಿಯೋ ಈಗ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಸಾಕಷ್ಟು ಲೈಕ್​ ಹಾಗೂ ಶೇರ್​ ಗಿಟ್ಟಿಸಿಕೊಂಡಿದೆ. ​​​​​​​