ಹಸಿವು ತಾಳಲಾಗದೇ ಊಟ ಮಾಡಿ ಬಿಸಾಡಿದ ಫ್ಲೇಟ್ ನೆಕ್ಕಿದ ಬಾಲಕ... ವಿಡಿಯೋ ವೈರಲ್​!

ಸುಂದರಗಢ(ಒಡಿಶಾ): ​​ಇಲ್ಲಿನ ಕೊಯಿಡಾ ಬ್ಲಾಕ್​ನಲ್ಲಿರುವ ಮಾಲ್ಡಾ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಗನುವಾ ಗ್ರಾಮದ ಬಾಲಕನೊಬ್ಬ ಹಸಿವಿನಿಂದ ಊಟ ಮಾಡಿ ಎಸೆದ ಫ್ಲೇಟ್​​ ನೆಕ್ಕಿರುವ ಘಟನೆ ನಡೆದಿದೆ. ಕೇವಲ ಎರಡೂವರೆ ವರ್ಷದ ಬಾಲಕ ಹಸಿವಿನ ಕಾರಣ ಮಣ್ಣಿನಲ್ಲಿ ಬಿದ್ದಿರುವ ಕಾಗದದ ಊಟದ ಫ್ಲೇಟ್​​ ನೆಕ್ಕಿದ್ದಾನೆ. ಇದರ ವಿಡಿಯೋ ಸೋಷಿಯಲ್​​ ಮೀಡಿಯಾದಲ್ಲಿ ವೈರಲ್​​ ಆಗಿದೆ. ಮಗುವಿನ ತಾಯಿ ಕಳೆದ ಕೆಲ ದಿನಗಳ ಹಿಂದೆ ಆತ್ಮಹತ್ಯೆಗೆ ಶರಣಾಗಿದ್ದು, ಸದ್ಯ ತಂದೆ ಮೂವರು ಮಕ್ಕಳ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಮನೆಯಲ್ಲಿ ಕಿತ್ತು ತಿನ್ನುವ ಬಡತನ ಇರುವ ಕಾರಣ ತಂದೆ ನಿತ್ಯ ಕೆಲಸಕ್ಕೆ ಹೋಗುತ್ತಿದ್ದು, ಮನೆಯಲ್ಲಿರುವ ಮಕ್ಕಳು ಹಸಿವಿನಿಂದ ಬಳಲುವ ಕಾರಣ ಈ ರೀತಿಯಾಗಿ ನಡೆದುಕೊಂಡಿವೆ.