ಮಾವನನ್ನು ಕೊಡಲಿಯಿಂದ ಕೊಚ್ಚಿ ಹಾಕಿದ ಮನೆ ಅಳಿಯ! ವಿಡಿಯೋ..

ಮಗ ಇಲ್ಲ ಎಂಬ ಕಾರಣಕ್ಕೆ ಮಗಳನ್ನು ಕೊಟ್ಟು ಅಳಿಯನನ್ನೇ ಮನೆತನಕ್ಕೆ ಮಾವ ಕರೆತಂದಿದ್ದ. ಆದ್ರೆ ಆ ಮನೆ ಅಳಿಯನೇ ಮಾವನ ಪಾಲಿಗೆ ಯಮನಾಗಿದ್ದಾನೆ. ಹೌದು, ತೆಲಂಗಾಣದ ಕಾಮಾರೆಡ್ಡಿ ಜಿಲ್ಲೆಯ ಲಿಂಗಾಪುರ್​ ನಿವಾಸಿ ಎನಗುರ್ತಿ ರಾಜಲಿಂಗನಿಗೆ ಒಬ್ಬಳೇ ಮಗಳು ಭೀಮವ್ವ. ಮಗನಿಲ್ಲ ಎಂಬ ಕಾರಣಕ್ಕೆ ಮಗಳು ಭೀಮವ್ವಳನ್ನು ಲಿಂಗಂಪೇಟ ತಾಲೂಕಿನ ಐಲಪೂರ್​ ಗ್ರಾಮದ ಲಕ್ಷ್ಮಣ್​ನಿಗೆ ಕೊಟ್ಟು ಮನೆ ಅಳಿಯನನ್ನಾಗಿ ಮಾಡಿಕೊಂಡಿದ್ದರು ರಾಜಲಿಂಗ. ಸೋಮವಾರ ರಾತ್ರಿ ಬೈಕ್​ ಸಂಬಂಧ ಮಾವ ಮತ್ತು ಅಳಿಯನ ಮಧ್ಯೆ ಜಗಳವಾಗಿದೆ. ಬಳಿಕ ಜಗಳ ಶಾಂತವಾಗಿದ್ದು, ಮಗಳು ಭೀಮವ್ವ ಪಕ್ಕದ ಮನೆ ಪಕ್ಕದಲ್ಲಿ ನಡೆಯುತ್ತಿರುವ ಆರತಕ್ಷತೆ ಕಾರ್ಯಕ್ರಮಕ್ಕೆ ತೆರಳಿದ್ದರು. ಈ ವೇಳೆ ಲಕ್ಷ್ಮಣ್​ ಮನೆಯಲ್ಲಿರುವ ಕೊಡಲಿ ತೆಗೆದುಕೊಂಡು ಮಾವ ರಾಜಲಿಂಗರ ತಲೆಗೆ ಹೊಡೆದು ಕೊಚ್ಚಿ ಹಾಕಿದ್ದು, ರಾಜಲಿಂಗ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇನ್ನು ಈ ವಿಷಯ ಪೊಲೀಸರಿಗೆ ತಿಳಿದಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿ, ವಿಚಾರಣೆ ಕೈಗೊಂಡಿದ್ದಾರೆ.