ಕೋವಿಡ್​ ವ್ಯಾಕ್ಸಿನ್​ ನೀಡಿದ ಖುಷಿ: ಡ್ಯಾನ್ಸ್ ಮಾಡಿ ಸಂಭ್ರಮಿಸಿದ ವೈದ್ಯರು!

ಗ್ವಾಲಿಯರ್​(ಮಧ್ಯಪ್ರದೇಶ): ಕೊರೊನಾ ಮಹಾಮಾರಿಗೆ ಕೊನೆಗೂ ವ್ಯಾಕ್ಸಿನ್ ಲಭ್ಯವಾಗಿದ್ದು, ಇದಿನಿಂದ ದೇಶಾದ್ಯಂತ ಲಸಿಕೆ ನೀಡುವ ಕಾರ್ಯ ಆರಂಭಗೊಂಡಿದೆ. ಮಧ್ಯಪ್ರದೇಶದ ಗ್ವಾಲಿಯರ್​ನಲ್ಲೂ ಆರೋಗ್ಯ ಸಿಬ್ಬಂದಿಗಳಿಗೆ ವ್ಯಾಕ್ಸಿನ್ ನೀಡಲಾಗಿದ್ದು, ಇದೇ ಸಂಭ್ರಮದಲ್ಲಿ ವೈದ್ಯರು ಡ್ಯಾನ್ಸ್​​ ಮಾಡಿದ್ದಾರೆ. ಗ್ವಾಲಿಯರ್​ ಸೆಂಟರ್​ನಲ್ಲಿ ಚುಚ್ಚುಮದ್ದು ನೀಡುವ ಕಾರ್ಯಕ್ರಮ ಆರಂಭಗೊಳ್ಳುತ್ತಿದ್ದಂತೆ ವೈದ್ಯರು ಹಾಗೂ ಆರೋಗ್ಯಾಧಿಕಾರಿಗಳು ಸಂತೋಷದಿಂದ ಸಂಭ್ರಮಿಸಿದ್ದಾರೆ. ಇದೇ ವೇಳೆ, ಕೊರೊನಾ ವಾರಿಯರ್ಸ್​ಗೆ ಅಭಿನಂದನೆ ಸಲ್ಲಿಸಿದ್ದಾರೆ.