ಮಹಾರಾಷ್ಟ್ರದಲ್ಲಿ ರಾಜ್ಯಾವ್ಯಾಪಿ ಕರ್ಫ್ಯೂಗೆ ಸಿಎಂ ಆದೇಶ... ಅಂತರಜಿಲ್ಲಾ ಸಾರಿಗೆ ಸೇವೆ ಕೂಡ ಸ್ಥಗಿತ

ಪುಣೆ: ಅಂತಾರಾಜ್ಯಗಳಿಗೆ ಸಂಚಾರ ನಿರ್ಬಂಧ ಹೇರಿದ್ದ ಮಹಾರಾಷ್ಟ್ರ ಸರ್ಕಾರ ಇದೀಗ ಅಂತರಜಿಲ್ಲಾ ಸಾರಿಗೆ ಸೇವೆಯನ್ನು ಸ್ಥಗಿತಗೊಳಿಸಿದ್ದು, ರಾಜ್ಯಾವ್ಯಾಪಿ ಕರ್ಫ್ಯೂ ಘೋಷಿಸಿದೆ. ಇನ್ನೂ ಕೋವಿಡ್​-19ಗೆ ಒಳಗಾಗದ ಜಿಲ್ಲೆಗಳಿಗೆ ಸೋಂಕು ಹರಡಲು ನಾವು ಬಿಡುವುದಿಲ್ಲ. ಎಲ್ಲ ಧಾರ್ಮಿಕ ಕೇಂದ್ರಗಳು ಬಂದ್​ ಆಗಲಿವೆ. ಜನರು ಗಾಬರಿಗೊಳ್ಳುವ ಅವಶ್ಯಕತೆ ಇಲ್ಲ. ದಿನಸಿ ವಸ್ತುಗಳು, ಹಾಲು, ಬೇಕರಿ, ಮೆಡಿಕಲ್​ನಂತಹ ಅಗತ್ಯ ಸೇವೆಗಳು ದೊರಕಲಿವೆ ಎಂದು ಸಿಎಂ ಉದ್ಧವ್​ ಠಾಕ್ರೆ ತಿಳಿಸಿದ್ದಾರೆ. ಇನ್ನು ಪುಣೆಯಲ್ಲಿ ನಿರ್ಬಂಧದ ನಡುವೆಯೂ ಇಂದು ಬೆಳಗ್ಗೆಯಿಂದ ಉಂಟಾಗಿದ್ದ ಜನಸಂದಣಿಯನ್ನು ಪೊಲೀಸರು ತೆರವುಗೊಳಿಸಿದ್ದಾರೆ.