ತಂದೆ ಅನುಪಸ್ಥಿತಿ ಕಾಡಲಿದೆ, ಪ.ಬಂಗಾಳಕ್ಕೆ ಕರೆದೊಯ್ಯುವ ಯೋಜನೆ ಈಡೇರಲಿಲ್ಲ: ಅಭಿಜಿತ್ ಮುಖರ್ಜಿ

ನವದೆಹಲಿ: ಮಾಜಿ ರಾಷ್ಟ್ರಪತಿ ಪ್ರಣಬ್​ ಮುಖರ್ಜಿ ಅವರ ಅಂತ್ಯಕ್ರಿಯೆ ಸಕಲ ಸರ್ಕಾರಿ ಸೇನಾ ಗೌರವದೊಂದಿಗೆ​​ ನಡೆಸಲಾಯಿತು. ಮಗ ಅಭಿಜಿತ್​​ ಮುಖರ್ಜಿ ಅಂತಿಮ ವಿಧಿವಿಧಾನ ನಡೆಸಿದರು. ಇದಾದ ಬಳಿಕ ಮಾತನಾಡಿದ ಅವರು, ನಮ್ಮ ತಂದೆಯ ಅನುಪಸ್ಥಿತಿ ಖಂಡಿತವಾಗಿ ನಮ್ಮನ್ನು ಕಾಡಲಿದೆ. ಕೇವಲ ಕೋವಿಡ್​ನಿಂದ ಅವರು ಸಾವನ್ನಪ್ಪಿಲ್ಲ ಎಂದು ನಾನು ಭಾವಿಸುತ್ತೇನೆ. ಬದಲಿಗೆ ಮೆದುಳಿನ ಸಮಸ್ಯೆ ಕೂಡ ಅವರಿಗೆ ಅತಿಯಾಗಿ ಕಾಡಿತ್ತು. ಅವರ ಪಾರ್ಥಿವ ಶರೀರವನ್ನು ಪಶ್ಚಿಮ ಬಂಗಾಳಕ್ಕೆ ಕರೆದೊಯ್ಯುವ ಯೋಜನೆ ನನ್ನಲ್ಲಿತ್ತು. ಆದರೆ ಪ್ರಸ್ತುತ ನಿರ್ಬಂಧಗಳಿಂದಾಗಿ ಅದು ಸಾಧ್ಯವಾಗಲಿಲ್ಲ ಎಂದು ಹೇಳಿದ್ದಾರೆ.