ಸೌಹಾರ್ದತೆಯ ನಡೆ: ಮುಸ್ಲಿಂ ಯುವತಿಯ ವಿವಾಹ ನೆರವೇರಿಸಿದ ಹಿಂದೂ ಕುಟುಂಬ!

ದೇಶಾದ್ಯಂತ ಎನ್​ಆರ್​​ಸಿ, ಸಿಎಎ, ಆರ್ಥಿಕ ಹಿನ್ನಡೆಯಂತ ಸಮಸ್ಯೆಗಳು ತಲೆದೋರಿ ವಿವಾದಗಳು ಸೃಷ್ಟಿಯಾಗಿವೆ. ಈ ಮಧ್ಯೆ ಇಲ್ಲೊಂದು ಹಿಂದೂ ಕುಟುಂಬವೊಂದು ಮುಸ್ಲಿಂ ಯುವತಿಯ ವಿವಾಹ ನೆರವೇರಿಸುವ ಮೂಲಕ ಭಾರತ ವಿವಿಧತೆಯಲ್ಲಿ ಏಕತೆ ಹೊಂದಿರುವ ದೇಶ ಎಂಬ ದೇಶವನ್ನು ಸಾಬೀತು ಮಾಡಿದೆ. ಮಧ್ಯಪ್ರದೇಶದ ರತ್ಲಾಮ್​ನಲ್ಲಿ ಸಾಜೀದಾ ಎಂಬ ಮುಸ್ಲಿಂ ವಧುವಿನ ಮದುವೆಯನ್ನು ಅವರ ಪಕ್ಕದ ಮನೆಯ ಹಿಂದೂ ಕುಟುಂಬವೊಂದು ಮುಂದೆ ನಿಂತು ನಡೆಸಿಕೊಟ್ಟಿದೆ. ಈ ಬಗ್ಗೆ ಈಟಿವಿ ಭಾರತ್​​ ಜೊತೆ ಮಾತನಾಡಿರುವ ವಧುವಿನ ತಾಯಿ, ಸುಮಾರು 20 ವರ್ಷಗಳಿಂದ ಅಕ್ಕ-ಪಕ್ಕದಲ್ಲೇ ನಾವು ವಾಸವಾಗಿದ್ದು, ನನ್ನ ಮಗಳು ಸಾಜೀದಾಳನ್ನೂ ಅವರು ಸ್ವಂತ ಮಗಳಂತೆ ನೋಡಿಕೊಳ್ಳುತ್ತಿದ್ದರು ಎಂದು ತಿಳಿಸಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸುವ ಹಿಂದೂ ಕುಟುಂಬಸ್ಥರು ಸಾಜೀದಾ ನಮ್ಮ ಮಗಳಂತೆ, ಬಾಲ್ಯದಿಂದಲೂ ಆಕೆಯನ್ನು ನೋಡಿದ್ದೇವೆ. ಹೀಗಾಗಿ ಇವಳ ಮದುವೆಗೆ ಏನಾದರೂ ಕೊಡುಗೆ ನೀಡಬೇಕೆಂದು ಅನಿಸಿ, ನಾವೇ ಮುಂದೆ ನಿಂತು ಮದುವೆ ಮಾಡಿಕೊಡುತ್ತಿರುವುದಾಗಿ ಸಂತಸ ಹಂಚಿಕೊಂಡಿದ್ದಾರೆ.