ಭಕ್ತರಿಲ್ಲದೆ ಪುರಿ ಜಗನ್ನಾಥನ ಸನ್ನಿಧಿಯಲ್ಲಿ ದೇವಸ್ನಾನ ಪೂರ್ಣಿಮೆ: ಇದರ ಮಹತ್ವ ಗೊತ್ತೇ?

ಪುರಿ (ಒಡಿಶಾ): ದೇವತೆಗಳನ್ನು ಸ್ನಾನ ಮಾಡಿಸಿ ಆರತಿ ಬೆಳಗುವ 'ದೇವಸ್ನಾನ ಪೂರ್ಣಿಮೆ'ಯನ್ನು ಕೋವಿಡ್​ನಿಂದಾಗಿ ಈ ಬಾರಿಯೂ ಭಕ್ತರಿಲ್ಲದೆ ಆಚರಿಸಲಾಗುತ್ತಿದೆ. ಜುಲೈ 12 ರಂದು ಆಚರಿಸಲಾಗುವ ಭಗವಾನ್ ಶ್ರೀ ಜಗನ್ನಾಥರ ವಾರ್ಷಿಕ ರಥಯಾತ್ರೆಗೆ ಮುಂಚಿತವಾಗಿ ಒಡಿಶಾದ ಪುರಿಯ ಜಗನ್ನಾಥ ದೇವಸ್ಥಾನದಲ್ಲಿ ಈ ಸಂಭ್ರಮ ಜರುಗುತ್ತದೆ. ಭಗವಾನ್ ಜಗನ್ನಾಥ, ಬಾಲಭದ್ರ ಮತ್ತು ದೇವಿ ಸುಭದ್ರೆಯ ಮೂರ್ತಿಗಳಿಗೆ ವಿಶೇಷವಾಗಿ ಪೂಜೆ ಸಲ್ಲಿಸಲಾಗುತ್ತದೆ. ಈ ಸಂಭ್ರಮದಲ್ಲಿ ಭಾಗಿಯಾಗಲು ಭಕ್ತರಿಗೆ ಅವಕಾಶ ನೀಡಿಲ್ಲವಾದರೂ ಬಹುಸಂಖ್ಯೆಯ ಅರ್ಚಕರಿಂದಲೇ ಜನದಟ್ಟಣೆ ಉಂಟಾಗಿದ್ದು, ಕೋವಿಡ್​ ನಿಯಮ ಕಡೆಗಣಿಸಲಾಗಿತ್ತು.