ಮದ್ಯಕ್ಕಾಗಿ ಮುಗಿಬಿದ್ದ ಕಲಿಯುಗದ ಕುಡುಕರು... ಕ್ಯೂನಲ್ಲಿ ನಿಂತು ‘ಸರಕು’ ಪಡೆದ ಮದ್ಯದಾಸರು​! ವಿಡಿಯೋ...

ಖಾಸಗಿ ಮದ್ಯದ ಅಂಗಡಿ ಲೈಸನ್ಸ್​ ಗಡುವು ಮುಗಿದಿದ್ದು, ಆಂಧ್ರಪ್ರದೇಶ ರಾಜ್ಯಾದ್ಯಂತ ಕುಡುಕರು ಕಂಗಾಲಾಗಿದ್ದಾರೆ. ಕೆಲವು ಅಂಗಡಿಯಲ್ಲಿ ಮದ್ಯದ ಸರಕು ಖಾಲಿಯಾಗಿದ್ದರಿಂದ ಕುಡುಕರು ಗೊಂದಲಗೊಂಡರು. ಗುಂಟೂರು ಜಿಲ್ಲೆಯ ಮಂಗಳಗಿರಿ ಎಕ್ಸೈಜ್​ ಶಾಖೆ ಸೋಮವಾರದಿಂದಲೇ ಮದ್ಯ ವಿತರಿಸುತ್ತಿದೆ. ನಿನ್ನೆ ರಾತ್ರಿಯಿಂದಲೇ ಅಬಕಾರಿ ಶಾಖೆಯ ಮುಂದೆ ಕ್ಯೂನಲ್ಲಿ ನಿಂತು ಕುಡುಕರು ಮದ್ಯ ಪಡೆದರು. ಕೆಲಸಕ್ಕೆ ಅರ್ಜಿ ಸಲ್ಲಿಸಲು, ಮನೆಗೆ ರೇಷನ್ ತರಲು ಸರತಿ ಸಾಲಿನಲ್ಲಿ ನಿಲ್ಲಲೂ ಬೇಸರಗೊಳ್ಳುವ ಮದ್ಯಪ್ರಿಯರು ಈಗ ಮದ್ಯಕ್ಕಾಗಿ ಗಂಟೆ - ಗಂಟೆಗಟ್ಟಲೇ ಸರತಿ ಸಾಲಿನಲ್ಲಿ ನಿಂತರು. ಒಬ್ಬರಿಗೆ ಮೂರು ಬಾಟಲಿಗಳಂತೆ ಅಬಕಾರಿ ಅಧಿಕಾರಿ ನೇತೃತ್ವದಲ್ಲೇ ಮದ್ಯ ವಿತರಿಸಲಾಯಿತು. ಇನ್ನು ಬೇರೆ ಕಡೆ ಬಾರ್​ ಮಾಲೀಕರು ಕೊಂಚ ಬೆಲೆ ಏರಿಸಿ ಮದ್ಯ ವಿತರಿಸಿದರು. ಕುಡುಕರು ಸರತಿ ಸಾಲಿನಲ್ಲಿ ನಿಂತು ಮದ್ಯ ಪಡೆಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.