ಕೊಂಬಿನಿಂದ ತಿವಿದು, ಕಾಲಿಂದ ತುಳಿದು... ಆಟೋ ಡ್ರೈವರ್​ ಮೇಲೆ ಸೇಡು ತೀರಿಸಿಕೊಂಡ ಗೋಮಾತೆ!? ವಿಡಿಯೋ...

ಗುಜರಾತ್​​​ ರಾಜಕೋಟ್​​​ನಲ್ಲಿ ಆಟೋ ಡ್ರೈವರ್​ ಒಬ್ಬನಿಗೆ ಭಯಾನಕ ಅನುಭವವೊಂದು ಆಗಿದೆ. ಆಕಳವೊಂದು ಆಟೋ ಮೇಲೆ ಇದ್ದಕ್ಕಿದ್ದಂತೆ ದಾಳಿ ಮಾಡಿ, ಆಟೋದೊಳಗೆ ತಲೆಯಿಟ್ಟ ಆಕಳು ಚಾಲಕನಿಗೆ ಗುದ್ದಿದೆ. ಆಟೋ ಡ್ರೈವರ್​ ದಾಳಿಯಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ರೂ ಪ್ರಯೋಜನವಾಗಲಿಲ್ಲ. ಹಸುವಿನ ದಾಳಿಯಿಂದ ತೀವ್ರವಾಗಿ ಗಾಯಗೊಂಡಿದ್ದ ಚಾಲಕನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ನೋಡಿದ್ರೆ ಆಟೋ ಡ್ರೈವರ್ ಮೇಲೆ ಆಕಳು​ ಸೇಡು ಇಟ್ಟುಕೊಂಡಿರುವಂತೆ ಕಾಣುತ್ತೆ. ಆಕಳು ದಾಳಿ ಮಾಡಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿದೆ.