ಎಮ್​​ಐಎಮ್​ಗೆ ಬಿಜೆಪಿ ಪೈಪೋಟಿಯೇ ಅಲ್ಲ: ಅಸಾದುದ್ದೀನ್ ಓವೈಸಿ

ಹೈದ್ರಾಬಾದ್​​: ಗ್ರೇಟರ್​ ಹೈದರಾಬಾದ್​ ಮುನಿಸಿಪಲ್​ ಕಾರ್ಪೋರೇಷನ್​ ಚುನಾವಣೆಯಲ್ಲಿನ ಬಿಜೆಪಿ ಗೆಲುವು ಕೇವಲ ಕ್ಷಣಿಕ, ಎಮ್​ಐಎಮ್​ಗೆ ಬಿಜೆಪಿ ದೊಡ್ಡ ಪೈಪೋಟಿ ಅಲ್ಲ ಎಂದು ಎಮ್​ಐಎಮ್​ ಮುಖ್ಯಸ್ಥ ಸಂಸದ ಅಸಾದುದ್ದೀನ್ ಓವೈಸಿ ಹೇಳಿದ್ದಾರೆ. ಜಿಹೆಚ್​ಎಮ್​ಸಿ ಚುನಾವಣಾ ಫಲಿತಾಂಶದ ಕುರಿತು ಮಾತನಾಡಿದ ಅವರು ಜನರ ನಿರ್ಧಾರವನ್ನು ಗೌರವಯುತವಾಗಿ ಸ್ವೀಕರಿಸುತ್ತೇವೆ ಎಂದರು. ಯುಪಿ ಸಿಎಂ ಯೋಗಿ ಅದಿತ್ಯನಾಥ್​​ ರೋಡ್​ ಶೋ ನಡೆಸಿದ ಯಾವ ವಾರ್ಡ್​​ನಲ್ಲಿಯೂ ಕೂಡಾ ಬಿಜೆಪಿ ಗೆಲುವು ಸಾಧಿಸಿಲ್ಲ. ಬಿಜೆಪಿ ಗೆಲುವು ಕೇವಲ ಕ್ಷಣಿಕ ಎಂದರು. ಅಲ್ಲದೇ ಟಿಆರ್​​ಎಸ್​​ ತೆಲಂಗಾಣದಲ್ಲಿ ಅಸಾಧಾರಣ ಶಕ್ತಿಯಾಗಿದ್ದು, ಚುನಾವಣೆಯಲ್ಲಿ ಸೋತ ವಾರ್ಡ್‌ಗಳ ಬಗ್ಗೆ ಮರು ಯೋಚಿಸಬೇಕು ಎಂದೂ ಸಲಹೆ ನೀಡಿದ್ದಾರೆ.