ಪ್ರಮಾಣ ವಚನಕ್ಕೂ ಮುನ್ನ ಶಕ್ತಿ ದೇವತೆ ಮೊರೆ ಹೋಗಿದ್ದ ಫಡ್ನವೀಸ್... ತಡರಾತ್ರಿ ವಿಶೇಷ ಪೂಜೆ!

ಮುಂಬೈ: ದಿಢೀರ್ ಬೆಳವಣಿಗೆಯಲ್ಲಿ ಮಹಾರಾಷ್ಟ್ರದ ನೂತನ ಮುಖ್ಯಮಂತ್ರಿಯಾಗಿ ಎರಡನೇ ಅವಧಿಗೆ ದೇವೇಂದ್ರ ಫಡ್ನವೀಸ್​ ಪ್ರಮಾಣ ವಚನ ಸ್ವೀಕಾರ ಮಾಡಿದ್ದಾರೆ. ನಿನ್ನೆ ಬೆಳಗ್ಗೆ ರಾಜಭವನದಲ್ಲಿ ಅವರು ಏಕಾಏಕಿಯಾಗಿ ರಾಜ್ಯಪಾಲರ ಸಮ್ಮುಖದಲ್ಲಿ ಪ್ರಮಾಣ ವಚನ ಸ್ವೀಕಾರ ಮಾಡಿದ್ದು, ಅದಕ್ಕೂ ಮುಂಚಿತವಾಗಿ ವಿಶೇಷ ಪೂಜೆಯಲ್ಲಿ ಭಾಗಿಯಾಗಿದ್ದರು. ಮಾ ಬಾಗಲಮುಖಿ ದೇವಾಲಯದ ಪಂಡಿತರು ಸಿಎಂ ಫಡ್ನವೀಸ್​ ಅವರ ಖಾಸಗಿ ನಿವಾಸದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ್ದು, ಈ ವೇಳೆ ವಿಶೇಷ ಹೋಮ-ಹವನ ಮಾಡಲಾಗಿದ್ದು, ಫಡ್ನವೀಸ್​ ಅವರು ತಡರಾತ್ರಿ ಪ್ರಾರ್ಥನೆ- ಪಠಣಗಳಲ್ಲಿ ಭಾಗಿಯಾಗಿದ್ದಾರೆ. ಇದಾದ ಬಳಿಕ ಸಿಎಂ ಆಗಿ ಪ್ರಮಾಣ ವಚನ ಸ್ವೀಕಾರ ಮಾಡಿದ್ದು, ಇದೀಗ ಇದರ ವಿಡಿಯೋ ವೈರಲ್​ ಆಗಿದೆ.